អាមេរិក ៖ អភិបាលរដ្ឋហាវ៉ៃ(Hawaii) លោក Josh Green បានរាយការណ៍កាលពីថ្ងៃសុក្រថា មនុស្ស ៦៦ នាក់នៅតែបាត់ខ្លួននៅឡើយក្នុងការបំផ្លាញបន្ទាប់ពីចំហេះព្រៃបណ្តាលឲ្យមានមនុស្សជាងមួយរយនាក់ស្លាប់ និងបំផ្លាញទ្រព្យសម្បត្តិនៅលំនៅឋានប្រហែល ១.៥០០ខ្នង ។

កាលពីថ្ងៃសុក្រ គឺជាថ្ងៃខួបមួយខែ ចាប់តាំងពីចំហេះព្រៃដ៏សន្ធោសន្ធៅ បានឆាបឆេះនៅកោះម៉ូអ៊ី(Maui) រដ្ឋហាវ៉ៃ ដោយបន្សល់ទុកនូវនូវការបំផ្លិចបំផ្លាញ និងសាកសពមនុស្សស្លាប់។ កោះ Maui ត្រូវបានបំផ្លាញកាលពីថ្ងៃទី ៨ ខែសីហា នៅពេលដែលចំហេះព្រៃបានឆាបឆេះនៅនៅទូទាំងទីក្រុងរមណីយដ្ឋាន Lahaina បណ្តាលឲ្យមនុស្ស ១១៥ នាក់ស្លាប់ និងរាប់រយនាក់បាត់ខ្លួន។

បង្កឡើងដោយមានខ្យល់បក់ខ្លាំងពីខ្យល់ព្យុះសង្ឃរាឆ្លងកាត់ និងស្ថានភាពស្ងួតហួតហែង ចំហេះព្រៃបានឆេះរាលដាលនៅនៅទីក្រុង Lahaina ដោយបង្ខំអ្នកនៅរស់រានមួយចំនួនលោតចូលមហាសមុទ្រប៉ាស៊ីហ្វិក ដើម្បីគេចចេញពីអណ្តាតភ្លើង។ 

មនុស្សជាច្រើនបាននិយាយថា ពួកគេទទួលបានការព្រមានតិចតួច ឬគ្មានការព្រមានអំពីអគ្គីភ័យ ដែលជំរុញឱ្យមន្ត្រីចាប់ផ្តើមការពិនិត្យឡើងវិញនូវពិធីការប្រកាសអាសន្នរបស់កោះនេះ។

អគ្គិភ័យនេះបណ្តាលឲ្យមានមនុស្សស្លាប់ច្រើនបំផុតនៅសហរដ្ឋអាមេរិក ចាប់តាំងពីអគ្គិភ័យឆេះព្រៃក្នុងឆ្នាំ ១៩១៨ នៅរដ្ឋ Minnesota និង Wisconsin បណ្តាលឲ្យមនុស្សជាង ៤៥០នាក់ស្លាប់។