អន្តរជាតិ៖ កាលពីថ្ងៃពុធ ប្រេសិតពិសេសចិនប្រចាំនៅអង្គការសហប្រជាជាតិ(UN) លោក ចាង ជុន បានអំពាវនាវឲ្យមានកិច្ចខិតខំលើកកម្ពស់ដំណោះស្រាយនយោបាយនៃវិបត្តិស៊ីរី ធ្វើឲ្យល្អប្រសើឡើងស្ថានភាពសន្តិសុខ ហើយលោកបានលើកឡើងផងដែរពីការងារប្រឈមជាច្រើនក្នុងវិស័យសេដ្ឋកិច្ច និងមនុស្សធម៌។
ថ្លែងក្នុងជំនួបតាមអនឡាញរបស់ក្រុមប្រឹក្សាសន្តិសុខអង្គការសហប្រជាជាតិ លោកចាង ដែលជាអ្នកតំណាងអចិន្ត្រៃយ៍នៅUN បាននិយាយថា វិបត្តិសង្គ្រាមស៊ីរីអូសបន្លាយពេល១ទសវត្សរ៍ នាំឲ្យកើតមានសន្តិសុខគួរឲ្យព្រួយបារម្ភ និងស្ថានភាពមនុស្សធម៌។
លោកចាង បាននិយាយថា UNជាពិសេសក្រុមប្រឹក្សាសន្តិសុខ ត្រូវតែបង្កើនកិច្ចខិតខំឆ្ពោះទៅរកការបញ្ចប់វិបត្តិមួយនេះ ដើម្បីកាត់បន្ថយការរងទុក្ខវេទនារបស់ប្រជាជនស៊ីរី។
ដោយឡែក លោកហ្គី ផេឌឺសេន គឺជាប្រេសិតពិសេស UNប្រចាំនៅស៊ីរី បាននិយាយថា ស៊ីរីមានកំណត់លើដំណើរការល្អប្រសើរផ្នែកនយោបាយ។
លោកបានអំពាវនាវដល់ភាគីទាំងអស់ បន្តប្រឹងប្រែងស្វែងរកដំណោះស្រាយសន្តិភាព និងបង្កើតឡើងវិញទំនុកចិត្តរៀងខ្លួន ដើម្បីអាចរក្សាបន្តគណៈកម្មាធិការធម្មនុញ្ញ។
កាលពីថ្ងៃពុធម្សិលមិញ ការបោះឆ្នោតប្រធានាធិបតីស៊ីរី បានចាប់ផ្តើមនៅក្នុងតំបន់គ្រប់គ្រងដោយរដ្ឋាភិបាល ជាមួយនឹង១២.០០០មណ្ឌលបោះឆ្នោត។ គេបានប៉ានប្រមាណថា លើកនេះ ពលរដ្ឋជាង ១៨លាននាក់ នៅទូទាំងប្រទេសអាចបោះឆ្នោតបាន។
សូមបញ្ជាក់ថា បេក្ខជន ០៣រូប បានឈរឈ្មោះសម្រាប់ការបោះឆ្នោត ក្នុងនោះ រួមមានលោកប្រធានាធិបតី បាសា អាល់ អាសាដ អតីតអនុរដ្ឋមន្ត្រីក្នុងគណៈរដ្ឋមន្ត្រីលោក អាប់ដាឡា សាឡូម និងលោកម៉ាមូដ អាម៉េដ ម៉ារ៉េ ដែលជាប្រធានគណបក្សប្រឆាំងតូចតាចនៅក្នុងប្រទេសស៊ីរី៕ អត្ថបទ៖ សារ៉ាត់
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
