មេដឹកនាំសកលលោក រួមមានមេដឹកនាំមកពីសហរដ្ឋអាមេរិក អារ៉ាប៊ីសាអូឌីត និងអឺរ៉ុប បាន​ប្រកាស​កិច្ច​ព្រមព្រៀងពហុជិតពាក់ព័ន្ធនឹងផ្លូវរថភ្លើង និងកំពង់ផែ តភ្ជាប់តំបន់មជ្ឈិមបូព៌ា អាស៊ី​ខាងត្បូង និងអឺរ៉ុប នៅក្រៅកិច្ចប្រជុំកំពូលក្រុមប្រទេសមានឧស្សាហកម្មលូតលាស់ G20 នៅក្នុង​ទីក្រុង​ញូវ​ដែល្លី ប្រទេសឥណ្ឌា ។

កិច្ចព្រមព្រៀងនេះ បានកើតមានចំពេលសំខាន់ ស្រប​ពេល​ដែល​ប្រធានាធិបតី​សហរដ្ឋ​អាមេរិក​លោក Joe Biden ព្យាយាមប្រឆាំងនឹងគម្រោងផ្លូវមួយ ក្រវ៉ាត់មួយរបស់ចិន ក៏ដូច​ជា​ធ្វើ​ឲ្យ​ទីក្រុង​វ៉ាស៊ីង​តោន​ក្លាយ​ជាដៃគូជម្រើសផ្សេង និងជាអ្នកវិនិយោគ សម្រាប់​ប្រទេស​កំពុង​អភិវឌ្ឍ​នៅ​កិច្ច​ប្រជុំ​ G20។

លោក Biden និយាយថា ស្រប​ពេល​ដែល​ពួក​យើង​ធ្វើ​ការ​ដើម្បី​លើក​ឡើង​ពី​គំលាត​ហេដ្ឋា​រចនា​សម្ព័ន្ធ​នៅ​តាមបណ្តាប្រទេសរកប្រាក់ចំណូលទាប និងមធ្យម ពួកយើងត្រូវ​បង្កើន​ឥទ្ធិពល​កម្រិត​អតិបរមា នៃ​ការវិនិយោគរបស់ពួកយើង ។ នោះហើយ​គឺ​ជាហេតុផល​កាល​ពី​ប៉ុន្មាន​ខែ​មុន​ដែល​លោក​បាន​ប្រកាសថា សហរដ្ឋអាមេរិក និងធ្វើការជាមួយប្រទេសដៃគូ ដើម្បី​វិនិយោគ​ទុន​លើ​ច្រក​របៀង​សេដ្ឋកិច្ច។

ដោយឡែក ប្រធានគណកម្មការអឺរ៉ុបលោកស្រី Ursula von der Leyen និយាយថា កិច្ច​ព្រម​ព្រៀង​នេះ នឹងមានការតភ្ជាប់ផ្លូវរថភ្លើង ដើម្បីធ្វើឲ្យល្អប្រសើរឡើងការដឹកជញ្ជូនរវាងអាស៊ី តំបន់​ជម្ឈិមបូព៌ា និងអឺរ៉ុប ហើយនិងការតភ្ជាប់ថាមពលសម្រាប់អគ្គិសនី និងអ៊ីដ្រូសែន៕