ប្រជាជនអ៊ីស្រាអែលរាប់ម៉ឺននាក់ បានតវ៉ានៅក្នុងទីក្រុងនានាទូទាំងប្រទេសកាលពីថ្ងៃសៅរ៍ (៩ កញ្ញា) មុនពេលការសម្រេចដ៏សំខាន់ដោយតុលាការកំពូល លើច្បាប់ដែលគាំទ្រដោយក្រុមចម្រុះ ក្នុងការបានដកហូតអំណាចត្រួតពិនិត្យមួយចំនួនរបស់តុលាការ។
កាលពីដើមឆ្នាំនេះ ក្រុមចម្រុះស្តាំនិយមរបស់នាយករដ្ឋមន្ត្រីអ៊ីស្រាអែល លោក Benjamin Netanyahu បានបង្ហាញផែនការដកហូតអំណាចជាច្រើនរបស់តុលាការជាមួយនឹងគម្រោងច្បាប់ថ្មី ប៉ុន្តែដោយសារតែសម្ពាធដ៏លើសលប់ពីសាធារណៈជន បានធ្វើឲ្យផែនការនេះឆ្លងកាត់បានតែមួយផ្នែកប៉ុណ្ណោះ។
ក្រុមអ្នកគាំទ្រនិយាយថា ផែនការកែលំអប្រព័ន្ធតុលាការនេះ នឹងស្ដារតុល្យភាពដល់អង្គតុល្យភាពអំណាច នៃអាជ្ញាធរ ប៉ុន្តែអ្នករិះគន់និយាយថា ច្បាប់នេះនឹងដកការត្រួតពិនិត្យសំខាន់លើអំណាចរបស់រដ្ឋាភិបាល។
ច្បាប់ចុងក្រោយបង្អស់ ដែលជាវិសោធនកម្មច្បាប់មូលដ្ឋានមួយរបស់អ៊ីស្រាអែល បានដកអំណាចរបស់តុលាការក្នុងការវាយប្រហារលើការសម្រេចរបស់រដ្ឋាភិបាល ឬការតែងតាំង ដោយផ្អែកលើមូលហេតុ «មិនសមហេតុផល»។
ផែនការមួយនេះ បានបង្កឱ្យមានការតវ៉ាទូទាំងប្រទេសប្រចាំសប្តាហ៍ ប៉ុន្តែបាតុកម្មចុងក្រោយនេះមានសារៈសំខាន់ជាពិសេស ខណៈច្បាប់ទាំងនោះបានបញ្ជូនដល់ក្នុងតុលាការកំពូល ជាលើកដំបូងក្នុងប្រវត្តិសាស្ត្រអ៊ីស្រាអែល ដោយកោះប្រជុំចៅក្រមទាំង១៥រូប របស់ខ្លួននៅថ្ងៃទី១២ ខែកញ្ញា ខាងមុខនេះ ដើម្បីស្តាប់បណ្តឹងឧទ្ធរណ៍ប្រឆាំងនឹងវិសោធនកម្មនេះ៕
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
