ចិន ៖ ការហាត់សមគ្រប់ផ្នែកនៃពិធីបើកកីឡាអាស៊ី លើកទី១៩ ត្រូវបានធ្វើឡើងនៅទីក្រុង ហាងចូវ (Hangzhou) ប្រទេសចិន ដែលជាម្ចាស់ផ្ទះនាំមុខគេកាលពីថ្ងៃសៅរ៍ (១០ កញ្ញា) ដើម្បីសាកល្បងជាប្រព័ន្ធនូវនីតិវិធីទាំងមូល រួមទាំងពិធី និងការសម្តែងដែលត្រូវបង្ហាញនៅក្នុងព្រឹត្តិការណ៍នោះផងដែរ។

ពិធីបើកការប្រកួត នឹងប្រព្រឹត្តទៅនៅពហុកីឡដ្ឋានអូឡាំពិចសេនធឺ ហាងចូវ (Hangzhou) នៅថ្ងៃទី២៣ ខែកញ្ញា ខាងមុខនេះ។ មនុស្សជិត៥០.០០០នាក់ បានចូលរួមការហាត់សមនេះ ហើយពិធីទាំងមូលត្រូវបានប្រព្រឹត្តឡើងក្នុងរយៈពេល១១៥នាទី ហើយការហាត់សមកាលពីថ្ងៃសៅរ៍នេះ គឺជាការហាត់សមលើកទី៣ផងដែរ។

យោងតាមក្រុមអ្នករៀបចំពិធី ក្រុមការងារនឹងធ្វើការកែសម្រួលបន្ថែមលើវីដេអូ សំលៀកបំពាក់ ប្រដាប់ប្រដា និងសម្ភារៈប្រើប្រាស់ក្នុងពិធីនេះ សម្រាប់ការហាត់សមគ្រប់ផ្នែកផ្សេងទៀត មុនពេលការសម្តែងជាផ្លូវការ។

ព្រឹត្តិការណ៍កីឡាអាស៊ី លើកទី១៩ ត្រូវបានរៀបចំឡើងដោយទីក្រុងហាងចូវ និងទីក្រុងចំនួនប្រាំផ្សេងទៀតក្នុងខេត្តជឺជាំង (Zhejiang) រួមមានទីក្រុងនីងប៉ូ (Ningbo) ទីក្រុងវ៉ិនចូវ (Wenzhou) ទីក្រុងជីនហ័រ (Jinhua) ទីក្រុងសៅស៊ីង (Shaoxing) និង ទីក្រុងហ៊ូចូវ (Huzhou) ប្រទេសចិន ហើយព្រឹត្តិការណ៍កីឡាអាស៊ី លើកទី១៩ នេះ គ្រោងនឹងដំណើរការចាប់ពីថ្ងៃទី២៣ ខែកញ្ញា ដល់ថ្ងៃទី៨ ខែតុលា ដែលមានកីឡាចំនួន៤០ប្រភេទ គណកម្មការវិន័យចំនួន៦១រូប និងវិញ្ញាសាចំនួន៤៨១ ព្រមទាំងកន្លែងប្រកួតចំនួន៥៤ទីតាំងផងដែរ៕