នៅក្នុងពិធីដង្ហែក្បួនព្យុហយាត្រាចុងក្រោយគេឆ្លងកាត់ទីលានចតុរង្គ Kim Il-Sung នៅក្នុងទីក្រុងព្យុងយ៉ាង ដើម្បីប្រារព្ធខួប ៧៥ឆ្នាំនៃការបង្កើតកូរ៉េខាងជើង កងកម្លាំងទាហានប៉ារ៉ានៃឆ្មាំក្រហមកម្មករ-កសិករ បានបង្ហាញកងជើងទម្រចម្រុះកាណុង ដែលមានលក្ខណៈដូចជារថយន្តស៊ីវិលធម្មតា។ 

 រថយន្តដឹកទំនិញ និងរថយន្តដឹកសំរាម មានបំពង់ចំនួន១២ ដែលទំនងជារ៉ុក្កែតកាំភ្លើងធំកាណុងទំហំ ១២២មីលីម៉ែត្រ ដែលត្រូវបានដាក់ពង្រាយតាមដំបូលទ្វារបើក និងទ្វារប្រឆិតរបស់វា។ ក្រុមបុគ្គលិកនៅលើរថយន្តដឹកសំរាមថែមទាំងពាក់មួកពណ៌លឿន និងស្ពាយកាំភ្លើងវែងរបស់ពួកគេ។

ការដង្ហែព្យុហយាត្រានេះដែរ ឃើញមានកងកម្លាំងទាហានប៉ារ៉ា បើកកងត្រាក់ទ័រដែលអូសជើងទម្ររ៉ុក្កែត ហើយនិងមីស៊ីលនាំផ្លូវប្រឆាំងរថក្រោះនៅលើរទេះសណ្តោង។ 

គួររំឭកថា កូរ៉េខាងជើង បានបង្ហាញប្រព័ន្ធស្រដៀងគ្នានេះអូសជើងទម្របាញ់មីស៊ីលនាំផ្លូវនៅក្នុងការដង្ហែក្បួនតែមួយកាលពីរយៈពេល ២ឆ្នាំមុន៕