ប្រធានអង្គការសប្បុរសធម៌ជំនួយផ្នែកវេជ្ជសាស្រ្ដជនជាតិអេស្ប៉ាញ បានស្លាប់ នៅពេលដែលការបាញ់កាំភ្លើងធំរបស់រុស្ស៊ី បានត្រូវធ្វើឡើងទៅលើរថយន្តសង្គ្រោះស្ម័គ្រចិត្ត នៅអ៊ុយក្រែនភាគខាងកើត។

លោកស្រី Emma Igual មានវ័យ៣២ឆ្នាំ ត្រូវបានសម្លាប់ជាមួយ លោក Anthony Ihnat ដែលជាជនជាតិកាណាដា នៅពេលដែលពួកគេ ត្រូវបានគេបាញ់នៅជិតតំបន់ Bakhmut កាលពីព្រឹកថ្ងៃអាទិត្យ។

អ្នកស្ម័គ្រចិត្តពីរនាក់ផ្សេងទៀតមកពីអង្គការ Road to Relief ជាអង្គការសប្បុរសធម៌ដែលលោកស្រី Igual ជាប្រធាននោះ បានរងរបួសយ៉ាងធ្ងន់ធ្ងរ នៅក្នុងការវាយប្រហារនេះ។

ក្រសួងការពារជាតិអ៊ុយក្រែន បានស្តីបន្ទោសប្រទេសរុស្ស៊ីចំពោះការស្លាប់នេះ។

ក្រុមនោះ បាននិយាយថា លោកស្រី Igual និងអ្នកស្ម័គ្រចិត្ត លោក Ihnat លោក Ruben Mawick មកពីប្រទេសអាល្លឺម៉ង់ និងលោក Johan Mathias Thyr មកពីប្រទេសស៊ុយអែត បានកំពុងធ្វើដំណើរទៅទីនោះ ដើម្បីវាយតម្លៃតម្រូវការរបស់ជនស៊ីវិល ដែលត្រូវបានរងគ្រោះក្នុងការបាញ់ប្រហារនៅក្នុងទីក្រុង Ivanivske នៅម៉ោងប្រហែល១០ព្រឹក។