មន្ទីរស្ទង់ភូគព្ភសាស្រ្តសហរដ្ឋអាមេរិក(USGS) និយាយថា ភ្នំភ្លើង Kilauea ស្ថិតនៅលើកោះធំ របស់រដ្ឋហាវ៉ៃ សហរដ្ឋអាមេរិក បានចាប់ផ្តើមផ្ទុះជាមួយនឹងកម្អែហូរទៅកាន់មាត់ភ្នំភ្លើងនៅជុំវិញទីនោះ ។

 រូបភាពសន្លឹកពីគេហទំព័រ Webcam ទទួលបានពី USGS ឃើញមានចង្អូរនៅមាត់ភ្នំភ្លើង ដែលធ្វើឲ្យកម្អែហូរនៅលើផ្ទៃបាតមាត់ភ្នំភ្លើង ។

 យោងតាមការអះអាងរបស់ USGS បានឲ្យដឹងថា ការផ្ទុះនេះ បានកើតមានឡើង បន្ទាប់ពីសកម្មភាពរញ្ជួយខ្លាំង ហើយនិងសកម្មភាពកម្រើកឆាប់រហ័សនៅលើកំពូលភ្នំ ។ ទីភ្នាក់ងារមួយនេះ បានតំឡើងកម្រិតអាសន្នពីពណ៌លឿងទុំ ដល់ពណ៌ក្រហម ក៏ដូចជាវាយតម្លៃបន្ទុះភ្នំភ្លើង ។

 កាលពីថ្ងៃចុងសប្តាហ៍កន្លងទៅ ផ្សែងបានហោះលើផ្ទៃអាកាស នៅតាមតំបន់មួយចំនួនជិតភ្នំភ្លើង ។ ស្ថិតនៅជិតឧទ្យានជាតិភ្នំភ្លើងហៃវ៉ា ភ្នំភ្លើង Kilauea ស្ថិតនៅក្នុងចំណោមភ្នំភ្លើងកម្រើកខ្លាំងបំផុតរបស់ពិភពលោក ។ 

 កាលពីឆ្នាំ ២០១៩ ក្រោយការរញ្ជួយដី និងការផ្ទុះខ្លាំងនៅភ្នំភ្លើង Kilauea បាននាំឲ្យមានការខូចខាតទ្រង់ទ្រាយធំដល់ផ្ទះសម្បែងប្រជាពលរដ្ឋ និងអគារធុរកិច្ច ។ ភ្នំភ្លើងនេះ បានផ្ទុះផងដែរ កាលពីខែមករា និងខែមិថុនា ក្នុងឆ្នាំ ២០២៣នេះ ៕