អស់រយៈពេលជាងពីរឆ្នាំមកនេះ រដ្ឋបាលលោកបៃដិន បាន​និង​កំពុង​ជំរុញ​ឲ្យ​មាន​វិធីសាស្រ្ត​ដឹកនាំ​ដោយ​ជន​ជាតិហៃទី ដើម្បីដោះស្រាយ​អំពើ​ហិង្សា​ក្រុម​ជន​អន្ធពាល​ដែល​កំពុង​កើន​ឡើង​នៅ​ប្រទេស​ហៃទី និងធ្វើឲ្យកាន់តែវិបត្តិមនុស្សធម៌ សង្គម និងនយោបាយកាន់តែជ្រៅៗទៅ។

ប៉ុន្តែ​មានដំណោះស្រាយមួយដែលក្រុងវ៉ាស៊ីនតោន មិនបានត្រៀមខ្លួន ដើម្បីគាំទ្រនោះ គឺ​ការ​ប្រើ​ប្រាស់​កង​ទ័ព​ហៃទី។

អ្នកនាំពាក្យក្រសួងការបរទេស បានប្រាប់សារព័ត៌មាន Miami Herald ថា ខណៈ​ពេល​ដែល​សហរដ្ឋ​អាមេរិក​នៅតែមានការព្រួយបារម្ភយ៉ាងខ្លាំងចំពោះភាពគ្មានច្បាប់ ដែលកំពុង​បន្ត​ពាក់​ព័ន្ធ​នឹង​ក្រុម​ជនអន្ធពាលប្រដាប់អាវុធ និងគាំទ្រដំណោះស្រាយ ដែលដឹកនាំដោយជនជាតិហៃទីនោះ រដ្ឋាភិបាលសហរដ្ឋអាមេរិក ត្រូវបាន​ហាម​ឃាត់​ដោយ​ច្បាប់​ពីកា​រ​ផ្តល់​ជំនួយ​ដល់​កង​កម្លាំង​ប្រដាប់​អាវុធ​នៃ​ប្រទេសហៃទី»។

អ្នកនាំពាក្យរូបនេះ បាននិយាយថា៖ យើងជឿថា បញ្ហាប្រឈមផ្នែកសន្តិសុខរបស់ប្រទេសហៃទី គឺ​ធ្ងន់ធ្ងរ ហើយបន្តផ្តល់ការគាំទ្រដល់ការបណ្តុះបណ្តាល បំពាក់អាវុធ និង​ផ្តល់​យោបល់​ដល់​នគរបាល​ជាតិ​ហៃទី ដើម្បីធ្វើឲ្យវាក្លាយជាភ្នាក់ងារអនុវត្តច្បាប់ ដែលមានការទទួលខុសត្រូវ ធន​ធាន​ល្អ និងមានសមត្ថភាព ដោយបានបន្ថែមថា បទប្បញ្ញត្តិនេះ មិន​អនុញ្ញាត​ឲ្យ​រដ្ឋាភិបាល​សហរដ្ឋ​អាមេរិក «នាំចេញសម្ភារៈការពារជាតិ និងសេវាកម្មការពារជាតិទៅកាន់ប្រទេសហៃទី លើ​ក​លែង​តែការគាំទ្រដល់ឆ្មាំល្បាតឆ្នេរសមុទ្ររបស់ប្រទេសហៃទី និងការ​គាំទ្រ​សម្រាប់​បេសក​កម្ម​របស់​UN​ នៅក្នុងប្រទេសហៃទីប៉ុណ្ណោះ៕