អាមេរិក ៖ កាលពីថ្ងៃអង្គារ (ទី១២ ខែកញ្ញា) ក្រុមហ៊ុន Apple បានបញ្ចេញម៉ូដែលថ្មីៗនៃឧបករណ៍ ដែលលក់ដាច់បំផុតមួយចំនួនរបស់ខ្លួន ដោយសង្ឃឹមថា ផលិតផលទាំងនោះ នឹងស្ថិតនៅក្នុងទីកំពូលនៃបញ្ជីចង់បានរបស់អតិថិជន អំឡុងរដូវកាលទិញទំនិញនៅថ្ងៃឈប់សម្រាកដ៏ពិសេសនេះ។

តែយ៉ាងណាក្ដី ការប្រកាសអំពីទូរស័ព្ទស៊េរី iPhone 15 និងនាឡិកាវៃឆ្លាត ដែលត្រូវបានអភិវឌ្ឍឲ្យកាន់តែប្រសើរឡើង នៅក្នុងព្រឹត្តិការណ៍ប្រចាំឆ្នាំរបស់ក្រុមហ៊ុននោះ កើតឡើងនៅក្នុងកាលៈទេសៈនៃការរារែកលើការចំណាយ និងការពង្រីកការទប់ស្កាត់លើស្មាតហ្វូនឈានមុខគេរបស់ក្រុមហ៊ុន នៅក្នុងប្រទេសចិន។

សម្រាប់ផលិតផលម៉ូលដែលថ្មីៗរបស់ខ្លួននេះ ក្រុមហ៊ុន Apple ក៏បានប្តូរស្តង់ដារសាកថ្មពីរន្ធដោត Lightning បច្ចុប្បន្ន ទៅ USB-C ដើម្បីឲ្យស្របតាមច្បាប់របស់តំបន់អ៊ឺរ៉ុប នៅលើទូរស័ព្ទ iPhone និង AirPod ចុងក្រោយបំផុតរបស់ខ្លួន ហើយបានប្រកាសពីការកែប្រែ ដែលមិនប៉ះពាល់ដល់បរិស្ថាន ចំពោះឧបករណ៍មួយចំនួន៕