ពលរដ្ឋនៅក្នុងទីក្រុង Derna ប្រទេសលីប៊ីដែលរងការបំផ្លាញ បាន​ស្វែង​រក​ទាំង​អស់​សង្ឃឹម​សាច់​ញាតិ​ដែល​កំពុងបាត់​ខ្លួន ខណៈបុគ្គលិកជួយសង្គ្រោះអំពាវនាវរកការ៉ុងដាក់សាកសពបន្ថែមទៀត បន្ទាប់​ពីទឹកជំនន់ដ៏មហន្តរាយ បណ្តាលឲ្យមនុស្សរាប់ពាន់នាក់ស្លាប់ និង​ហូរ​នាំ​យក​សាកសព​ជា​ច្រើន​ចូល​ទៅ​សមុទ្រ។ នៅជុំវិញទីក្រុងនសមុទ្រម៉េឌីទែរ៉ាណេមួយនេះ ត្រូវបាន​បំផ្លាញ​ដោយ​ទឹក​ភ្លៀង​ធ្លាក់​ខ្លាំង​នាំមក​ដោយ​ព្យុះ​ដ៏​មាន​ឥទ្ធិពល​ដែល​បាន​វាយ​បក់​មក​ដល់​ទន្លេ​ដែល​ស្ងួត​ហួត​ហែង​កាល​ពី​យប់​ថ្ងៃអាទិត្យ បណ្តាលឲ្យបាក់ធ្លាយទំនប់ទឹកនៅខាងលើទីក្រុង។ អគារ​មាន​កម្ពស់​ច្រើន​ជាន់ បាន​បាក់​រលំដោយមានគ្រួសារជាច្រើនកំពុងដេកនៅខាងក្នុងនោះ។

អ្នកនាំ​ពាក្យក្រសួងមហាផ្ទៃ លោក Tarek al-Kharraz បានប្រាប់សារព័ត៌មាន AFP កាល​ពី​ថ្ងៃ​ពុធ​ថា អ្នកស្លាប់ជាង៦.០០០នាក់ត្រូវបានកត់ត្រានៅក្នុងទីក្រុងនៃសមុទ្រម៉េឌីទែរ៉ាណេមួយនេះ រួម​ទាំង ៣.១៩០នាក់ ត្រូវបានបញ្ចុះរួចរាល់។ ក្នុង​ចំណោម​អ្នក​ស្លាប់​មាន​ជន​បរទេស​យ៉ាង​ហោច​ណាស់​៤០០​នាក់ ភាគច្រើនមកពីប្រទេសស៊ូដង់ និងប្រទេសអេហ្ស៊ីប។

អភិបា​ល​ក្រុង Derna លោក Abdulmenam al-Ghaithi បានប្រាប់ទូរទស្សន៍រដ្ឋ Al Arabiya របស់​អារ៉ាប៊ីសាអូឌីត ថាចំនួនអ្នកស្លាប់ដែលតាមការប៉ាន់ប្រមាណ នៅក្នុង​ទីក្រុង​នេះ​អាច​កើន​ឡើង​ចន្លោះ​ពី១៨.០០០នាក់ ទៅ២០.០០០នាក់ ដោយផ្អែក​លើ​ចំនួន​សង្កា​ត់​ដែល​ត្រូវ​បាន​បំផ្លាញ​ដោយ​ទឹកជំនន់៕