ក្រុមសមាជិកសភាម៉ិកស៊ិកបានស្តាប់សក្ខីកម្មថា "យើងមិននៅម្នាក់ឯងទេ" នៅ​ក្នុង​សាកល​លោក​នេះ​ហើយ​បានឃើញឆ្អឹង ដែលគេលើកឡើងថាមិនមែនជាមនុស្ស នៅក្នុងសវនាការ​វិសាមញ្ញ​មួយ​ដែល​បង្ហាញ​ពីព្រឹត្តិការណ៍សភាលើកដំបូងរបស់ប្រទេសអាមេរិកឡាទីនមួយនេះស្ដីពី UFO ឬវត្ថុ​ហោះ​មិន​ស្គាល់អត្ថសញ្ញាណ។

នៅក្នុងសវនាការកាលពីថ្ងៃអង្គារ ទី១២ខែកញ្ញា លើ FANI អក្សរកាត់​ជា​ភាសា​អេស្ប៉ាញ​សម្រាប់​អ្វី​ដែល​គេ​ហៅថា បាតុភូតពុំមានអត្តសញ្ញាណច្បាស់លាស់ (UAP) អ្នកនយោបាយ​ត្រូវ​បាន​បង្ហាញ​វត្ថុ​បុរាណ​ពីរដែលអ្នកកាសែតម៉ិកស៊ិក និងជាអ្នកចូលចិត្ត UFO យូរឆ្នាំលោក​ចាស្មី​ម៉ូសាន​(Jamie Maussan) បានអះអាងថាជាសាកសពរបស់មនុស្សភពក្រៅភព។ 

លោកម៉ូសាន បាននិយាយថា សត្វទាំង២ប្រភេទនេះ មិនជាប់​ពាក់ព័ន្ធ​នឹង​ជីវិត​សត្វណា​មួយ​នៅ​លើភព​ផែនដីយើងទេ។  

សាកសពតូចទាំង២នេះ ត្រូវបានបង្ហាញនៅក្នុងសំណុំរឿងផ្សេងៗ មានម្រាមដៃ៣ នៅលើ​ដៃ​នីមួយៗ និង ក្បាលវែងខុសពីធម្មតា ។ លោក បាននិយាយថា សាកសពទាំង២នេះ ត្រូវ​បាន​រក​ឃើញ​នៅ​ក្នុងប្រទេសប៉េរូ នៅជិតខ្សែបន្ទាត់បុរាណណាស្កា (Nazca Lines) កាលពីឆ្នាំ២០១៧ ។ លោកលើកឡើងថា សាកសពមនុស្សក្រៅភពទាំង២មានអាយុកាលប្រហែល១ពាន់ឆ្នាំ៕