ប្រទេសចិន និងវ៉េណេហ្ស៊ុយអេឡា បានប្រកាសថាប្រទេសទាំង២គ្រោងបង្កើនទំនាក់ទំនាក់ឲ្យកាន់តែស៊ីជម្រៅបន្ថែមទៀត បន្ទាប់ពីជំនួបរវាងលោកប្រធានាធិបតី ម៉ាឌូរ៉ូ (Maduro)និងលោកប្រធានាធិបតីចិន Xi Jin Beijing។

មេដឹកនាំចិនបាននិយាយថា ប្រទេសទាំងពីរនឹងមានអ្វីដែលលោកបានហៅថា "ភាពជាដៃគូយុទ្ធសាស្ត្រគ្រប់ស្ថានភាពទាំងអស់ "ជាឋានៈខ្ពស់បំផុតទីពីរនៃឋានៈការទូតពហុកម្រិតរបស់ចិន ដែលបម្រុងទុកសម្រាប់ប្រទេសសម្ព័ន្ធមិត្តជិតស្និទ្ធ រួមទាំងប៉ាគីស្ថាន និងបេឡារុស។

យោងតាមប្រព័ន្ធផ្សព្វផ្សាយរដ្ឋរបស់ចិន មេដឹកនាំទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការជាច្រើនដែលគ្របដណ្តប់លើវិស័យនានា រួមទាំងសេដ្ឋកិច្ច ពាណិជ្ជកម្ម និងទេសចរណ៍ បន្ទាប់ពីកិច្ចពិភាក្សានេះ។

ព័ត៌មានលម្អិតនៃកិច្ចព្រមព្រៀងទាំងនោះនៅមានតិចតួចនៅឡើយ ប៉ុន្តែរាប់បញ្ចូលទាំងការវិនិយោគរបស់ចិនក្នុងការកែលម្អហេដ្ឋារចនាសម្ព័ន្ធដែលស្ថិតក្រោមការថែទាំរបស់ប្រទេសវ៉េណេហ្ស៊ុយអេឡា ជាពិសេសផ្នែកផលិតអគ្គិសនី និងការផ្គត់ផ្គង់ទឹក និងគម្រោងប្រេងរួមគ្នា។

ប្រទេសវ៉េណេហ្ស៊ុយអេឡា ក៏ជាប្រទេសនៅតំបន់អាមេរិកឡាទីនដំបូងគេ ផងដែរ ដែលនឹងចូលរួមក្នុងស្ថានីយអវកាសសា្រវជ្រាវភពព្រះចន្ទអន្តរជាតិរបស់ចិន ជាគម្រោងមានរយៈពេលយូរ ដែលនឹងសិក្សាអំពីភពព្រះចន្ទ៕