ប្រព័ន្ធមីស៊ីល និងយានដ្រូន ត្រូវបានដាក់បង្ហាញ ក្នុងពិធីតាំងពិព័រណ៍ការពារជាតិ ដែលបានបើកនៅថ្ងៃព្រហ្បតិ៍នេះ នៅរដ្ឋធានីរបស់កោះតៃវ៉ាន់ ជាកន្លែងដែល ក្រុមហ៊ុនផលិតរាប់រយ អ្នកជំនាញ និងអ្នកគាំទ្រវិស័យការពារជាតិ បានមកជួបជុំគ្នាដើម្បីស្វែងរកបច្ចេកវិទ្យាចុងក្រោយរបស់កោះនេះ។

អ្នករៀបចំបាននិយាយថា នេះគឺជាការតាំងពិព័រណ៌ធំបំផុតចាប់តាំងពី ពិព័រណ៌ដែលធ្វើឡើងពីរឆ្នាំម្តង បានចាប់ផ្តើម១៦ឆ្នាំមកនេះ ដោយមានក្រុមហ៊ុនជិត៣០០ មកពីសហរដ្ឋអាមេរិក បារាំង សាធារណៈរដ្ឋឆែក និងប្រទេសសឹង្ហបុរី កំពុងចូលរួមក្នុងព្រឹត្តិការណ៍រយៈពេល៣ថ្ងៃនេះ។ 

លោក James Huang ប្រធានក្រុមប្រឹក្សាអភិវឌ្ឍន៍ពាណិជ្ជកម្មផ្ទៃក្នុងកោះតៃវ៉ាន់ ដែលពិនិត្យការតាំងពិព័រណ៌ បាននិយាយថា លោករំពឹងថាការផ្តោតសំខាន់ជាច្រើន គឺទៅលើ យានដែនអាកាសគ្មានមនុស្សបើក ដោយសារតែការផ្លាស់ប្តូរទិដ្ឋភាពភូមិសាស្ត្រនយោបាយរបស់ពិភពលោក។

ក្រុមហ៊ុនក្នុងស្រុកក៏បានបង្ហាញ យានដ្រូនមានមនុស្សបើកនិងគ្មានមនុស្សបើកផលិតរក្នុងស្រុក ដែលត្រូវបានរៀបចំនិងបំពាក់បន្ទះអេឡិចត្រូនិកផលិតនៅកោះតៃវ៉ាន់។

កិច្ចប្រឹងប្រែងដើម្បីពង្រីកការផលិតយានដ្រូនរបស់កោះនេះ និងកងយានដ្រូន កើតមានឡើងក្នុងពេលភាពតានតឹងកើនឡើងជាមួយប្រទេសចិន។