អឌ្ឍន៍ចន្ទក្រហមរបស់ប្រទេសលីប៊ី បាននិយាយកាលពីថ្ងៃព្រហស្បតិ៍ថា ចំនួន​អ្នកស្លាប់​នៅ​ទីក្រុង​ Derna ប្រទេសលីប៊ី បានកើនឡើងដល់ ១១.៣០០នាក់ ខណៈ​កិច្ច​ប្រឹងប្រែង​ស្វែង​រក​នៅ​បន្ត​បន្ទាប់​ពីទឹកជំនន់​ដ៏ធំ​បណ្តាល​មក​ពីការបាក់ធ្លាយ​ទំនប់​ទឹក​ចំនួន​ពីរ​ក្នុង​ពេល​មាន​ភ្លៀងធ្លា​ក់​ខ្លាំង​។

លោក Marie el-Drese អគ្គលេខាធិការក្រុមផ្តល់ជំនួយ បានប្រាប់សារព័ត៌មាន AP តាម​ទូរស័ព្ទ​ថា​មនុស្ស ១០.១០០នាក់ត្រូវបានរាយការណ៍ថានៅបាត់ខ្លួន នៅក្នុង​ទីក្រុង​នៅ​សមុទ្រ​ម៉េឌីទែរ៉ាណេ​មួយនេះ។ កាលពីលើកមុន អាជ្ញាធរសុខភាព​បាន​ដាក់​ចំនួន​អ្នក​ស្លាប់​នៅ​ត្រឹម​ជាង​៦.០០០​នាក់។

ទឹកជំនន់ បានហូរនាំក្រុមគ្រួសារជាច្រើនក្នុងទីក្រុង Derna កាលពីយប់​ថ្ងៃ​អាទិត្យ​បាន​បង្ហាញ​ភាព​ងាយ​រងគ្រោះនៅក្នុងទីក្រុងសំបូរប្រេងមួយនេះ ដែលត្រូវបាន​មើល​ឃើញ​ថា​បាន​បំផ្លាញ​ដោយ​ជម្លោះ​ចាប់តាំងពីការប៉ះបោឆ្នាំ២០១១ ដែលបានផ្តួលរំលំ លោក Moammar Gadhafi មេ​ដឹក​នាំ​ផ្តាច់ការដែលកាន់អំណាចរយៈពេលយូរ៕