តុលាការបង់ក្លាដែសមួយ បានកាត់ទោសសកម្មជនសិទ្ធិមនុស្សដ៏លេចធ្លោពីរនាក់ឲ្យជាប់ពន្ធនាគាររយៈពេលពីរឆ្នាំ នៅក្នុងអ្វីដែលអ្នករិះគន់និយាយថា ជាផ្នែកមួយនៃការបង្ក្រាប នៅមុនការបោះឆ្នោត។

លោក Adilur Rahman Khan និង Nasiruddin Elan មកពីអង្គការសិទ្ធិមនុស្ស Odhikar តែងតែបដិសេធការចោទប្រកាន់រាប់ទសវត្សរ៍ដែលពួកគេបានបោះពុម្ពផ្សាយរបាយការណ៍មួយដោយមានព័ត៌ មានមិនពិត។

ប៉ុន្តែរដ្ឋអាជ្ញា បាននិយាយថា របាយការណ៍របស់ពួកគេស្តីពីការសម្លាប់មនុស្សដោយកម្លាំងសន្តិសុខ ក្នុងឆ្នាំ២០១៣ បានធ្វើឲ្យខូចមុខមាត់ប្រទេសនេះ។

អ្នកទាំងពីរ ត្រូវបានកាត់ទោសកាលពីថ្ងៃព្រហស្បតិ៍ក្នុងទីក្រុងDhaka បន្ទាប់ពីដំណើរការតុលាការរយៈពេល១០ឆ្នាំ។

ក្រុមសិទ្ធិមនុស្សអន្តរជាតិរាប់សិបអង្គភាព បានអំពាវនាវឲ្យមានការដោះលែងបុរសទាំងពីរនាក់ជាបន្ទាន់ ដោយនិយាយថា អ្នកទាំងពីរត្រូវបានបដិសេធពុំផ្តល់នូវការកាត់ក្តីដោយយុត្តិធម៌ទេ។