គ្រោះទឹកជំនន់ដ៏អាក្រក់នៅក្នុងប្រទេសលីប៊ី បាននាំយកសោកនាដកម្មថ្មីដល់គ្រួសារប៉ាឡេស្ទីន ដែលបានតាំងលំនៅក្នុងប្រទេសមួយនេះ ក្រោយរត់ភៀសខ្លួនចេញពីសង្រ្គាអារ៉ាប់-អ៊ីស្រាអែល ឆ្នាំ ១៩៦៧ ។

 សមាជិក ២រូបរបស់គ្រួសារ Abu Amra គឺឪពុកម្នាក់ និងកូនប្រុសម្នាក់ បានស្លាប់ ហើយសាច់ញាតិ ១២នាក់ផ្សេងទៀត កំពុងបាត់ខ្លួន ក្រោយព្យុះបង្កឲ្យបាក់ទំនប់ ធ្វើឲ្យហូរនាំយកទៅអគារ និងបំផ្លិចបំផ្លាញតំបន់ ១ភាគ៤នៃទីក្រុង Derna ស្ថិតនៅភាគខាងកើតប្រទេសលីប៊ី ។

 គ្រួសារមួយនេះ បានធ្វើសំពត់តង់នៅទីក្រុង Deir Al-Balah ស្ថិតនៅភាគខាងត្បូងតំបន់កាន់កាប់ហ្គាហ្សាស្រ្ទីប ដើម្បីទទួលមនុស្សដែលមកគោរពវិញ្ញាណក្ខន្ធអ្នកសាច់ញាតិក្នុងគ្រោះទឹកជំនន់ ។

 លោក Fayez Abu Amraវ័យ ៥៤ឆ្នាំ ធ្លាប់ជាគ្រូបង្រៀនមុខវិជ្ជាភាសាអ៊ីស្លាមនៅសាកលវិទ្យាល័យ Al-Aqsa ស្ថិតក្នុងតំបន់ហ្គាហ្សា Al-Aqsa ស្ថិតនៅក្នុងចំណោមសមាជិកគ្រួសារដែលរស់រានពីសង្រ្គាម ៤ជំនាន់ជាមួយអ៊ីស្រាអែល ដែបានផ្លាស់ទៅរស់នៅក្នុងប្រទេសលីប៊ី ដើម្បីស្វែងរជីវិតល្អប្រសើរជាងនេះ ប៉ុន្តែពួកគេបែរជាស្លាប់នៅក្នុងគ្រោះមហន្តរាយធម្មជាតិមួយនេះទៅវិញ ។

 សោកនាដកម្មមួយនេះ បង្កឲ្យមានកផលវិកបាកក្នុងការនាំសាកសពត្រឡប់ទៅកាន់ដែនដីប៉ាឡេស្ទីនវិញ សម្រាប់ការបញ្ចុះសពឲ្យបានត្រឹមត្រូវ ។

 រដ្ឋមន្រ្តីក្រសួងការបរទេសប៉ាឡេស្ទីន លោក Ahmed Al-Deek និយាយថា ជនប៉ាឡេស្ទីនប្រហែល ៥ម៉ឺននាក់ រស់នៅក្នុងប្រទេសលីប៊ី ហើយយ៉ាងហោច ១ភាគ៣នៃពួកគេរស់នៅតំបន់រងគ្រោះខ្លាំងបំផុតដោយសារទឹកជំនន់នៅតំបន់ភាគខាងកើតប្រទេស ៕