សារព័ត៌មាន Gulf News ដែលជាកាសែតអង់គ្លេសប្រចាំអារ៉ាប់រួម បាននិយាយនៅក្នុងគំនិតថ្មីមួយថា ក្នុងរយៈពេល៨ខែដំបូងនៃឆ្នាំនេះ ការបាញ់ប្រហារដ៏ធំចំនួន ៤៧០លើក បានកើតឡើងនៅទូទាំងសហរដ្ឋអាមេរិក ហើយជនជាតិអាមេរិកជាង២៥.០០០នាក់បានស្លាប់ក្នុងអំពើហិង្សាដោយកាំភ្លើង។  

យោងតាមអត្ថបទដែលបានចេញផ្សាយកាលពីថ្ងៃព្រហស្បតិ៍ ជាមធ្យមកុមារចំនួន ២២នាក់ដែលមានអាយុ ១៧ឆ្នាំឬ ក្រោមនេះ ត្រូវបានរងការបាញ់ប្រហារជារៀងរាល់ថ្ងៃ ហើយជនរងគ្រោះភាគច្រើនជាអ្នកស្លាប់ដោយសារការបាញ់ប្រហារ ប៉ុន្តែក៏រាប់បញ្ចូលទាំងការស្លាប់ដោយការធ្វើអត្តឃាតផងដែរ។ 

សារព័ត៌មាន Gulf News បាននិយាយថា នៅសហរដ្ឋអាមេរិក អ្នកបញ្ជូនកូនទៅសាលារៀន គឺគ្មានការធានាពីការវិលត្រឡប់មកវិញនៃអាយុជីវិតរបស់ពួកគេនោះទេ។ សហរដ្ឋអាមេរិក គឺជាប្រទេសដែលផ្តល់អំណាចឱ្យខុសក្នុងការតតាំងជាមួយសិទ្ធិ។ គ្មានសុបិនណាមួយអាចត្រូវបានបង្កើតឡើងនៅលើអាជ្ញាប័ណ្ណក្នុងការសម្លាប់នោះទេ។ 

ប្រភពដដែល បាននិយាយថាវប្បធម៌កាំភ្លើងដែលជនជាតិអាមេរិកទទួលយកគឺជាផ្នែកមួយនៃសិទ្ធិរដ្ឋធម្មនុញ្ញរបស់ពួកគេដែលត្រូវបានបញ្ចូលទៅក្នុងផ្នត់គំនិតក្នុងស្រុក ដែលកុមារ ត្រូវបានបាញ់ជារៀងរាល់ថ្ងៃនឹងមិននាំឱ្យមានការផ្លាស់ប្តូរស្ថានភាពនោះទេ។ 

យោងតាមមជ្ឈមណ្ឌលគ្រប់គ្រង និងបង្ការជំងឺឆ្លងរបស់សហរដ្ឋអាមេរិក អំពើហិង្សាដោយកាំភ្លើងគឺជាបញ្ហាពោរពេញដោយការខ្វែងគំនិតគ្នា និងសម្លាប់មនុស្សក្នុងសង្គមអាមេរិកជាយូរមកហើយ។ ការស្លាប់ដោយសាររបួសទាក់ទងនឹងកាំភ្លើងបានកើនឡើងនៅក្នុងសហរដ្ឋអាមេរិកចាប់តាំងពីឆ្នាំ ២០០៤ មក ហើយកាលពីឆ្នាំ ២០២១ ចំនួនមនុស្សស្លាប់បានកើនឡើងដល់កម្រិតខ្ពស់បំផុតគឺ ៤៨.៨៣០នាក់ ៕