អគារខ្ពស់ប្រវត្តិសាស្រ្ត បានឆាបឆេះជាអគ្គិភ័យឡើងនៅក្នុងរដ្ឋធានី Khartoum ប្រទេសស៊ូដង់ ក្រោយការប្រយុទ្ធគ្នាដ៏ខ្លាំងក្លារវាងកងទ័ពស៊ូដង់ និងកងកម្លាំងគាំទ្ររហ័ស(RSF) ។

រូបភាពវីដេអូឃ្លីបដែលបានបង្ហោះនៅលើអនឡាញ ឃើញប៉មអគារក្រុមហ៊ុនប្រេងឥន្ធនៈ Greater Nile ឆាបឆេះជាអគ្គិភ័យឡើង ។

អ្នកស្រី Tagreed Abdin គឺជាស្ថាបត្យករកសាងអគារ បានបង្ហោះសារនៅលើបណ្តាញព័ត៌មានសង្គម X ដែលជាអតីតបណ្តាញព័ត៌មានសង្គម Twitterថា នេះគឺជាការឈឺចាប់ពិតប្រាកដមួយ ។

គួរឲ្យដឹងថា ការវាយប្រហារតាមច្រកអាកាស និងសង្រ្គាមលើដី បានបន្តនៅក្នុងទីក្រុង Khartoum និងទីក្រុងដទៃទៀត ចាប់តាំងពីសង្រ្គាមបានផ្ទុះឡើងកាលខែមេសា ។

អង្គការសហប្រជាជាតិ បាននិយាយថា មនុស្សជាង ១លាននាក់ ត្រូវបានបង្ខំឲ្យរត់ភៀសខ្លួនចេញពីប្រទេស ។

ស្ថិតនៅជិតទន្លេនីល អគារខ្ពស់កម្ពស់ ១៨ជាន់នេះ ស្ថិតនៅក្នុងចំណោមអគារប្រវត្តិសាស្រ្តគេទទួលស្គាល់បំផុតនៅក្នុងរដ្ឋធានី Khartoum ៕