តម្លៃប្រេងបានហក់ឡើងខ្ពស់សម្រាប់រយៈពេល ៣សប្តាហ៍ជាប់ៗគ្នា នៅថ្ងៃចន្ទនេះ ធ្វើឲ្យមានការព្យាករណ៍ពីការធ្លាក់ចុះការផ្គត់ផ្គង់នៅត្រីមាសទី ៤ ក្រោយអារ៉ាប៊ីសាអូឌីត និងរុស្ស៊ី បន្តកាត់បន្ថយការផលិតរបស់ពួកគេ ហើយនិងសុទិដ្ឋិនិយមពីតម្រូវការងើបឡើងនៅប្រទេសចិន ដែលជាប្រទេសនាំចូលប្រេងឆៅកំពូលរបស់ពិភពលោក ។

តម្លៃប្រេងឆៅ បានកើនឡើង ៣៩សេន ឬស្មើនិង០,៤ភាគរយ ដល់តម្លៃ ៩៤,៣២ដុល្លារក្នុង១បារ៉ែល ស្របពេលដែលតម្លៃប្រេងឆៅសហរដ្ឋអាមេរិកមានតម្លៃ ៩១,៣០ដុល្លារក្នុង១បារ៉ែល ពោលគឺកើនឡើង ៥៣សេន ឬស្មើនឹង ០,៦ភាគរយ ។

លោក Tina Teng គឺជាអ្នកវិភាគទីផ្សារ CMC និយាយថា គោលនយោបាយរបស់ចិន ទប់ទល់នឹងទិន្នន័យសេដ្ឋកិច្ចសហរដ្ឋអាមេរិក ហើយនិងការកាត់បន្ថយទិន្នផលប្រេងនៅតែបន្តរបស់អង្គការនាំចេញប្រេង OPEC+ គឺជាកត្តាដ៏សំខាន់មួយដែលគាំទ្រចលនាក្រឡាប់ចាក់របស់ទីផ្សារ ។ 

ក្រុមពាណិជ្ជករនឹងចាំមើលការសម្រេចចិត្ត និងសេចក្តីណែនាំរបស់ធនាគារកណ្តាល រួមទាំងធនាគារកណ្តាលសហរដ្ឋអាមេរិកនៅសប្តាហ៍នេះ លើគោលនយោបាយអត្រាការប្រាក់ និងទិន្នន័យសេដ្ឋកិច្ចសំខាន់ៗចេញដោយប្រទេសចិន ។

សូមបញ្ជាក់ថា ការកាត់បន្ថយទិន្នផលប្រេងរបស់អារ៉ាប៊ីសាអូឌីត និងរុស្ស៊ី អាចនឹងជំរុញឲ្យទីផ្សារបាត់បង់ប្រេងឆៅ ២លានបារ៉ែលក្នុង១ថ្ងៃ នៅត្រីមាសទី ៤ ហើយនិងការខ្ចីប្រាក់ក្នុងបញ្ជីសារពើភ័ណ្ឌ អាចនឹងធ្វើឲ្យតម្លៃទីផ្សារប្រេងកាន់តែហក់ឡើងខ្ពស់បន្ថែមទៀតក្នុងឆ្នាំ ២០២៤ ៕