ទិន្នន័យផ្លូវការថ្មី បានបង្ហាញថា ជាង១០ភាគរយនៃប្រជាជនជប៉ុន បានឆ្លងកាត់វ័យ៨០ឆ្នាំ ឬចាស់ជាងនេះ ជាលើកដំបូង ខណៈប្រទេសនេះ ប្រឈមចំនួនប្រជាជនវ័យចំណាស់យ៉ាងឆាប់រហ័ស។ ទិន្នន័យរដ្ឋាភិបាល ដែលបានចេញផ្សាយកាលពីថ្ងៃអាទិត្យ មុនវិស្សមកាលជាតិទិវាគោរពមនុស្សចាស់នៅថ្ងៃចន្ទនេះក៏ បានបង្ហាញថាការបែងចែក ចំនួនប្រជាជនជប៉ុន នៅអាយុ ៦៥ ឬចាស់ជាងនេះ បានបន្ថែមដល់កំណត់ត្រា ២៩,១ ភាគរយ ពី២៩ភាគរយ កាលពី១ឆ្នាំមុន។ 

យោងតាមក្រសួងកិច្ចការផ្ទៃក្នុងបានឲ្យដឹងថា កម្រិតនេះបានប្រៀបធៀបជាមួយនឹង២៤,៥ភាគរយ របស់អ៊ីតាលី ដែលមានចំណាត់ថ្នាក់ទី២ និង២៣,៦ភាគរយ របស់ប្រទេសហ្វាំងឡង់ មានចំណាត់ថ្នាក់ទី៣។ ក្រសួងបាននិយាយនៅក្នុងសេចក្តីប្រកាសព័ត៌មានថា ប្រទេសជប៉ុន មានភាគរយខ្ពស់បំផុតនៃចំនួនមនុស្សចាស់នៅលើពិភពលោក។

រយៈពេលច្រើនទសវត្សរ៍មកនេះប្រទេសជប៉ុន បានមើលឃើញការធ្លាក់ចុះចំនួនប្រជាជនរបស់ខ្លួននិងកើនឡើងមនុស្សវ័យចំណាស់ខណៈមនុស្សវ័យក្មេង ពន្យាពេលអាពាហ៍ពិពាហ៍ និងការមានកូន យ៉ាងច្រើន ដោយសារតែការងារពុំមានស្ថិរភាព និងការលំបាកផ្នែកសេដ្ឋកិច្ច។