ភ្លៀងធ្លាក់យ៉ាងខ្លាំង និងទឹកទន្លេដ៏ហូរហៀរ បានជន់លិចផ្នែកខ្លះនៃរដ្ឋភាគកណ្តាល និងភាគខាងលិចរបស់ប្រទេសឥណ្ឌា នៅថ្ងៃចន្ទ (ទី១៨ ខែកញ្ញា)។
មនុស្សរាប់ពាន់នាក់ត្រូវបានជម្លៀសចេញពីតំបន់ទំនាប ក្នុងតំបន់ Bharuchនៅភាគខាងលិចរដ្ឋ Gujarat បន្ទាប់ពីទឹកទន្លេ Narmada ឡើងកាន់តែខ្លាំងឡើងៗរហូតផុតមាត់ច្រាំង ហើយបានជន់លិចតំបន់លំនៅឋាន ដែលនៅជាប់ៗគ្នា។
ក្នុងទីក្រុងដ៏ពិសិដ្ឋ Ujjain របស់ប្រទេសឥណ្ឌា ទឹកទន្លេ Shipra បានជន់លិចផ្ទៃដីដ៏ធំ ហើយបានលេបត្របាក់វិហារជាច្រើន។
ទឹកភ្លៀងមូសុងមានកម្រិត ៣៦ភាគរយ ទាបជាងមធ្យមភាគ ក្នុងខែសីហា ហើយភ្លៀងរដូវក្តៅទាំងមូល មានកម្រិត១០ភាគរយ ទាបជាងធម្មតា គិតចាប់តាំងពីរដូវនេះ ចាប់ផ្តើមនៅថ្ងៃទី១ ខែមិថុនា៕