បន្ទាប់ពីទឹកជំនន់បានបង្កការខូចខាតហេដ្ឋារចនាសម្ព័នមួយចំនួនរបស់ខ្លួនមក ប្រធានមន្ទីរពេទ្យនេះ បាននិយាយថា មន្ទីរពេទ្យអាល់ បាយដា (Al Bayda) របស់ប្រទេសលីប៊ី កំពុងតស៊ូដើម្បីបំពេញមុខងារជាធម្មតា ។

លោក អាប់ឌែល រ៉ាហ៊ីម ម៉ាហ្សេក បានបន្ថែមថា ផ្នែកទាបៗរបស់មន្ទីរពេទ្យ ត្រូវបានទឹកជន់លិច នៅក្នុងអំឡុងពេលព្យុះភ្លៀងដានីញ៉ែល (Daniel) កាលពីថ្ងៃទី១០កញ្ញា និងបានបង្កការខូចខាតឧបករណ៍វេជ្ជសាស្ត្រ និងហេដ្ឋារចនាសម្ព័នរបស់មន្ទីរពេទ្យ។

មួយសប្ដាហ៍ក្រោយមក មន្ទីរពេទ្យនេះ នៅតែទទួលរងផលប៉ះពាល់នៅឡើយ។

អង្គការបេសកម្មទេសន្ដប្រវេសន៍អន្តរជាតិ ក្នុងប្រទេសលីប៊ី បាននិយាយថា មនុស្សជាង៥.០០០នាក់ ត្រូវបានគេសន្និដ្ឋានថា បានស្លាប់រួមជាមួយអ្នកស្លាប់ចំនួន ៣.៩២២នាក់ទៀត ត្រូវបានចុះបញ្ជីនៅតាមមន្ទីរពេទ្យនានា ។មនុស្សប្រហែល៣៨.៦៤០នាក់ បានបាត់បង់ទីជម្រកនៅក្នុងតំបន់ ដែលរងគ្រោះដោយទឹកជំនន់។ ក្រុមមន្រ្ដីបាននិយាយថា ចំនួនអ្នកស្លាប់ពិតប្រាកដ អាចខ្ពស់ជាងនេះ៕