ក្រសួងការពារជាតិប៊ុលហ្គារីបាននិយាយនៅថ្ងៃច័ន្ទនេះថា ខ្លួនបានបញ្ជូនអង្គភាពពិសេសមួយដើម្បីឲ្យទៅត្រួតពិនិត្យមើលយានដ្រូន១គ្រឿង ដែលមិនដំណើការកំពុងផ្ទុកគ្រឿងផ្ទុះ ដែលគេបានរកឃើញកាលពីល្ងាចថ្ងៃអាទិត្យក្នុងក្រុងទីយូលេណូវ៉ូ (Tyulenovo) ក្នុងតំបន់នសមុទ្រខ្មៅ។

ក្រសួងការពារជាតិបាននិយាយថា បន្ទាប់ពីការត្រួតពិនិត្យរួច ក្រុមប៊ុលហ្គារីដែលជាសមាជិកណាតូ នឹងសម្រេចថាតើមូលហេតុអ្វីបានជាគេប្លុងចោលយានដ្រូននេះ ហើយបានបន្ថែមថា ក្រុមពិសេសដែលត្រូវបានគេបញ្ជូនទៅនេះ តបតាមសំណើររបស់រដ្ឋបាលតំបន់។

តាមរូបវីដេអូពីទូទស្សន៍Nova TV របស់ប៊ុលហ្គារី បានបង្ហាញក្រុមជំនាញកំពុងត្រួតពិនិត្យយានដ្រូន ដែលគេបានរកឃើញនៅលើថ្មជិតទូកជាច្រើនគ្រឿង ដែលត្រូវបានចតទុក។

គេនៅមិនទាន់ច្បាស់ថាតើ យានដ្រូននោះបានធ្លាក់ពីលើអាកាសឬ ត្រូវបានរលកសមុទ្ររុញច្រានមកដល់ទីនោះ។

រមណីយដ្ឋានទេសចរណ៍ទីយូលេណូវ៉ូនេះ ស្ថិតនៅ ៧០គីឡូម៉ែត ភាគខាងត្បូងពីព្រំដែនប្រទេសរ៉ូម៉ានី និងឆ្លងកាត់សមុទ្រខ្មៅពីឧបទ្វីបគ្រីម៉េ ប្រទេសអ៊ុយក្រែន ដែលត្រូវបានដាក់បញ្ចូលក្នុងឧបសម្ព័នរបស់រុស្ស៊ីទាំងបង្ខំក្នុងឆ្នាំ២០១៤ ហើយឥឡូវនេះ បានក្លាយជាគោលដៅទៀងទាត់នៃការវាយប្រហារពីយានដ្រូនរបស់អ៊ុយក្រែន។