នៅប៉ុន្មាននាទីមុនឡើងយន្ដហោះទៅសហរដ្ឋអាមេរិកនៅព្រឹកថ្ងៃច័ន្ទនេះ នាយករដ្ឋមន្រ្ដីអ៊ីស្រាអែល លោកបេនចាមីន ណេតាន់យ៉ាហ៊ូបាននិយាយថា អ៊ីរ៉ង់និយាយកុហកដោយឥតអៀនខ្មាស់ និងបាន
ប្ដេជ្ញាថា ប្រតិ្ដកម្មរបស់អ៊ីស្រាអែលទាំងបង្ខំតបទៅនឹងឈ្លានពានណាមួយរបស់អ៊ីរ៉ង់។
លោកបេនចាមីន ណេតាន់យ៉ាហ៊ូគ្រោងនឹងជួបជាមួយប្រធានាធិបតីអាមេរិក ចូបៃឌិន ក៏ដូចជា មេដឹកនាំ ពិភពលោកផ្សេងទៀតក្នុងអំឡុងពេលមហាសន្និបាតរបស់អង្គការសហប្រជាជាតិក្នុងក្រុងញូវយ៉ក(New York)។
លោកណេតាន់យ៉ាហ៊ូ បានប្រាប់ក្រុមអ្នកសារព័ត៌មាននៅឯអាកាសយានដ្ឋានថា អ៊ីរ៉ង់ មានចេទនា អភិវឌ្ឍន៍អាវុធនុយក្លេអ៊ែរក៏ដូចជាបន្ដនៅការឈ្លានពានរបស់ខ្លួនក្នុងតំបន់ ហើយវាជាបញ្ហាមួយដែលលោកចង់ពិភាក្សាជាមួយលោកបៃឌិន ព្រោះថាកាលពីសប្ដាហ៍មុន ក្រុងតេអេរ៉ង់ បានធ្វើការហាមប្រាមក្រុមអធិការកិច្ចជាច្រើននាក់ ដែលត្រូវបានចាត់តាំងឲ្យទៅកាន់ប្រទេសនេះ ដោយរារាំងមិនឲ្យចូលទៅត្រួតពិនុត្យសកម្មភាពបរមាណូករបស់ខ្លួន។
សកម្មភាពរបស់អ៊ីរ៉ង់នេះ គឺជាការឆ្លើយតបទៅនឹងការអំពាវនាវដែលដឹកនាំដោយសហរដ្ឋអាមេរិក អង់គ្លេស បារាំង និងអាល្លឺម៉ង់ នៅឯក្រុមប្រឹក្សាភិបាលនៃទីភ្នាក់ងារអាតូមិកអន្ដរជាតិ នៅសប្ដាហ៍នេះ ដើម្បីឲ្យក្រុងតេអេរ៉ង់ ចូលរួមសហការភ្លាមៗជាមួយIAEAទៅលើបញ្ហានានា ក្នុងនោះរួមមានការពន្យល់ ពីភស្ដុតាងសារធាតុអ៊ុយរ៉ាញ៉ូម ដែលត្រូវបានរកឃើញនៅឯទីតាំងដែលគេមិនបានប្រកាស។