បុគ្គលិកសង្រ្គោះ បានរកមើលនៅពាសពេញកម្ទេចថ្ម ក្នុងក្រុងឌើរណាភាគខាងកើតប្រទេសលីប៊ី នៅថ្ងៃច័ន្ទនេះ បន្ទាប់ពីប្រជាជន និងផ្ទះសម្បែងរបស់ពួកគេ ត្រូវបានទឹកជំនន់ហូរនាំយកទៅជាមួយកាលពី ១សប្ដាហ៍កន្លងទៅនេះ។
វីដេអូរ៉ូយទ័របានបង្ហាញពីទិដ្ឋភាពមួយដ៏ស្ងាត់ជ្រងំនៃភាពខ្ទេចខ្ទាំ ជាមួយនឹងគំនរថ្មដែលត្រូវបានគេសម្អាតនៅផ្នែកសងខាងផ្លូវទទេរួមជាមួយនឹងរមូរដែកក្នុងនោះរួមមានបំណែករថយន្ដជាច្រើនផងដែរ។
មនុស្សរាប់ពាន់នាក់បានស្លាប់ បន្ទាប់ពីទំនប់ពីរបានបាក់កាលពីថ្ងៃអាទិត្យក្នុងអំឡុងពេលព្យុះដែលមានឥទ្ធិពលបានបោកបក់នាំប្លុកលំនៅឋានអ្នកស្រុកចូលទៅក្នុងទន្លេ ខណៈដែលប្រជាជនកំពុងទទួលទានដំណេកលង់លក់នោះ។
ការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិកាលពីថ្ងៃសៅរ៍ បានស្រង់ប្រភពពីអឌ្ឍចន្ទក្រហមលីប៊ី បានអោយដឹងថា ចំនួនអ្នកស្លាប់បានឡើដល១១.៣០០នាក់។