អាមេរិក ៖ ដោយស្ថិតក្នុងរយៈពេលតិចជាងពីរសប្តាហ៍មុនការបិទរដ្ឋាភិបាលមួយផ្នែក ដែលនឹងកើតឡើង ប្រធានសភារបស់សហរដ្ឋអាមេរិក លោក Kevin McCarthy បានទៅកាន់វិមានសភាសហរដ្ឋអាមេរិកកាលពីថ្ងៃច័ន្ទ (១៨ កញ្ញា) ដើម្បីតទល់នឹងបញ្ហាប្រឈមដ៏ធំបំផុតនៃតំណែងរបស់ខ្លួន ដោយនាំបណ្ដាសមាជិកសភាមកពីគណបក្សសាធារណរដ្ឋ រួមគ្នាដើម្បីអនុម័តច្បាប់ ដែលធ្វើឲ្យរដ្ឋាភិបាលនៅបន្តបើកដំណើរការដោយមិនបាត់បង់តំណែងរបស់ខ្លួនជាប្រធានសភា។

កាលពីល្ងាចថ្ងៃអាទិត្យ សមាជិកសភាគណបក្សសាធារណរដ្ឋ ដែលមានទំនោរប្រកាន់តឹង និងប្រកាន់ជំហរជាកណ្តាល បានយល់ព្រមលើសេចក្ដីស្នើច្បាប់ចំណាយលើការឈប់សម្រាករបស់រដ្ឋាភិបាលរយៈពេលខ្លី ដែលនឹងពង្រឹងសន្តិសុខព្រំដែន និងរក្សាភ្នាក់ងារសហព័ន្ធ រហូតដល់ថ្ងៃទី៣១ ខែតុលា។ 

ច្បាប់នោះក៏នឹងកាត់បន្ថយការចំណាយលើសពី៨% នៅគ្រប់ទីភ្នាក់ងារទាំងអស់ លើកលែងតែនាយកដ្ឋានក្រសួងការពារជាតិ និងមន្ទីរកិច្ចការអតីតយុទ្ធជនប៉ុណ្ណោះ។ ប៉ុន្តែគេមិនច្បាស់ទេថា តើសំណើ ដែលហាក់ដូចជាត្រូវច្រានចោលនៅពេលមកដល់ក្នុងព្រឹទ្ធសភា ដែលគ្រប់គ្រងដោយបក្សប្រជាធិបតេយ្យនោះ អាចទទួលបានការគាំទ្រគ្រប់គ្រាន់ពីគណបក្សសាធារណរដ្ឋដើម្បីឆ្លងកាត់សភា ឬយ៉ាងណានោះទេ។ 

គោលដៅនេះ នឹងជាច្បាប់ទ្វេភាគី ដែលអាចឆ្លងផុតសភាទាំងពីរបានយ៉ាងឆាប់រហ័ស ហើយត្រូវបានចុះហត្ថលេខាជាច្បាប់ដោយលោក បៃដិន ប៉ុន្តែផលវិបាកអាចធ្ងន់ធ្ងរសម្រាប់លោក McCarthy ដោយសមាជិកសភាសេរី លោក Ralph Norman បាននិយាយថា «វានឹងជាការបញ្ចប់តំណែងប្រធានសភារបស់លោក McCarthy »៕