រុស្ស៊ី ៖ រុស្ស៊ីកំពុងអំពាវនាវឱ្យតុលាការកំពូលរបស់អង្គការសហប្រជាជាតិ ដកសំណុំរឿងបញ្ជូនដោយអ៊ុយក្រែន ដែលជំទាស់នឹងការអះអាងរបស់ទីក្រុង មូស្គូ ដែលថា ការឈ្លានពានអ៊ុយក្រែន គឺជាភាពចាំបាច់ដើម្បីបញ្ឈប់អពើប្រល័យពូជសាសន៍របស់ជនជាតិរុស្ស៊ីនៅទីនោះ។

កាលពីថ្ងៃច័ន្ទ (១៨ កញ្ញា) ក្រុមអ្នកច្បាប់របស់រុស្ស៊ីនៅទីក្រុងឡាអេ បាននិយាយថា ទីក្រុងគីវ កំពុងបំពានលើសន្ធិសញ្ញាស្តីពីអំពើប្រល័យពូជសាសន៍ឆ្នាំ១៩៤៨ របស់អង្គការសហប្រជាជាតិ។ 

សវនាការនៅតុលាការយុត្តិធម៌អន្តរជាតិ ដែលគេស្គាល់ថាតុលាការពិភពលោកនេះ គ្រោងនឹងដំណើរការរហូតដល់ថ្ងៃទី២៧ ខែកញ្ញា ហើយនឹងមិនលើកឡើងពីគុណសម្បត្តិនៃសំណុំរឿងអ៊ុយក្រែននេះទេ ដោយជំនួសមកវិញ សវនាការនោះនឹងផ្តោតលើទឡ្ហីករណ៍ផ្លូវច្បាប់អំពីយុត្តាធិការ។

តុលាការគ្មានមធ្យោបាយក្នុងការអនុវត្តសេចក្តីសម្រេចរបស់ខ្លួនឡើយ ហើយរដ្ឋាភិបាលរុស្ស៊ីធ្លាប់មិនអើពើនឹងការបញ្ជារបស់តុលាការ ក្នុងការបញ្ឈប់សកម្មភាពយោធារបស់ខ្លួន។ ក្រុមអ្នកជំនាញនិយាយថា សេចក្តីសម្រេចណាមួយដែលគាំទ្ររដ្ឋធានី គីវ នឹងមិនបញ្ឈប់សង្គ្រាមរវាងប្រទេសទាំងពីរនោះទេ ប៉ុន្តែអាចប៉ះពាល់ដល់ការទូទាត់សំណងនាពេលអនាគតសម្រាប់រុស្ស៊ី៕