ថៃ ៖ ពិព័រណ៍ពាណិជ្ជកម្មរថយន្ត EV ត្រូវបានរៀបចំឡើងនៅក្នុងប្រទេសថៃ ដើម្បីពង្រឹងការគាំទ្រសម្រាប់រថយន្តអគ្គិសនី នៅក្នុងប្រទេសមួយនេះ ។ 

 ពិព័រណ៍ 'Electric Vehicle Asia' ដែលជាផ្នែកមួយនេះនៃពិព័រណ៍ ASEAN Sustainable Energy Week 2023 បានធ្វើឡើងនៅមជ្ឈមណ្ឌលសន្និបាតជាតិ Queen Sirikit ។ 

 ព្រឹត្តការណ៍នេះដែរ បានក្លាយជាឱកាសជាបណ្តាញសម្រាប់ក្រុមអ្នកស្រាវជ្រាវ ក្រុមអ្នកបង្កើតនយោបាយ សហគ្រិន និងក្រុមផលិត ដើម្បីបង្ហាញជំនាញ និងទស្សនៈរបស់ពួកគេលើឧស្សាហកម្មរថយន្តអគ្គិសនី EV ។ 

 ក្រុមអ្នករៀបចំពិព័រណ៍ Electric Vehicle Asia បានអះអាងថា ពួកគេផ្តល់វេទិកាធុរកិច្ចពិសេសដើម្បីបង្ហាញដំណោះស្រាយ បច្ចេកវិទ្យា និងហេដ្ឋារចនាសម្ព័ន្ធ ពាក់ព័ន្ធនឹងប្រសិទ្ធិភាពថាមពល ប្រព័ន្ធបំប្លែងថាមពលដែលរួមទាំងប្រព័ន្ធអគ្គិសនីសម្រាប់រថភ្លើងអគ្គិសនី សមាសធាតុគ្រប់គ្រងអាគុយ ប្រព័ន្ធតាមដាន និងសម្ភារៈគ្រប់គ្រង ហើយនិងស្ថានីយ៍សាកអាគុយ ។ 

 ពួកគេបន្តថា ពិព័រណ៍នេះ បានទាក់ទាញអ្នកទិញច្រើន រួមទាំងសហគ្រិន អ្នកផលិតរថយន្ត និងអ្នកបង្កើតនយោបាយផងដែរមកពីវិស័យឯកជន និងវិស័យសាធារណៈនៅទូទាំងតំបន់អាស៊ាន ៕