ភ្នំពេញ ៖ អង្គការសហប្រជាជាតិដើម្បីអភិវឌ្ឍឧស្សាហកម្ម (UNIDO)មានគម្រោងនាំផលិតផលជលផលខ្មែរទៅផ្សារអ៊ឺរ៉ុប ដែលជាជំហានដំបូងគ្រោងនាំផលិតផលចំនួន៣មុខរួមមាន៖ទឹកត្រីដែលមានប្រភពីត្រីទឹកសាប ត្រីទីឡាព្យា និងម្សៅប្រហុក។

ក្នុងពេលចុះទស្សនៈកិច្ចសិក្សាពីសហគ្រាសជលផលនៅក្នុងខេត្តសៀមរាប នាថ្ងៃទី១៩ខែកញ្ញាននេះ លោកបណ្ឌិតសេតធី ស៊ីថារ៉ាម៉ា ថមបាធូ ប្រធានទីប្រឹក្សាបច្ចេកទេស អង្គការ UNIDO បានឱ្យដឹងថា ការនាំចេញផលិតផលជលផលខ្មែរទៅផ្សារបរទេសគឺជាដំណើរការដ៍វែងឆ្ងាយវាមិនមែនជារឿងងាយស្រួលនោះទេ យើងត្រូវការរៀបចំបទបញ្ញាត្តិច្បាប់ផ្សេងៗ និងនិមិត្តសញ្ញាគុណភាពផល ផលិតផលជលផលកម្ពុជា (CQS) ដូច្នេះយើងបានធ្វើការជាមួយរដ្ឋបាលជលផល ដើម្បីជួយជំរុញផលិតផលជលផលកាន់តែមានភាពល្អប្រសើរមានទីផ្សារនៅក្នុងស្រុក និងបរទេស។ លើសពីនេះ លោកបន្តថា តាមការគ្រោងទុក UNIDO នឹងជួយសម្រួបសម្រួលផលិតផលជលផលខ្មែរទៅទីផ្សារអ៊ឺរ៉ុប ដោយនៅដើមខែតុលាខាងមុខនេះ UNIDOនឹងនាំម្ចាស់សហគ្រាសជលផលកម្ពុជាដែលទទួលបានការគាំទ្រពីគម្រោងCAPFish ទៅជួ ប ជាមួយអ្នកបញ្ជាទិញនៅសហភាពអ៊ឺបរ៉ុប។ប្រសិនបើជោគជ័យកម្ពុជាអាចនាំផលិតផលជលផលចំនួន៣មុខរួមមាន៖ទឹកត្រី(ផលិតពីត្រីទឹកសាប) ត្រីទីឡាព្យា និងម្សៅប្រហុក។

​លោក យន់ សំណាង ម្ចាស់សិប្បកម្មសំណាង សុធា បានឱ្យដឹងដែរថា បន្ទាប់ពីទទួលបានការគាំទ្រពីគម្រោង CAPFish នៅឆ្នាំ២០២១មក មុខរបបខ្ញុំមានភាពរីកចម្រើនជាងមុន ដោយមានអ្នកបង្រៀនពីរបៀបធ្វើឱ្យសិប្បកម្មទទួល CQS និងផ្តល់ជំនាញបច្ចេកទេសផ្សេងៗទៀត។ លើសពីនេះ លោករំពឹងទុកថា ផលិតផលជលផលខ្មែរ នឹងអាចនាំចេញទៅទីផ្សារបរទេស តាមរយៈការសម្របសម្រួលពីអង្គការUNIDO។

គម្រោងអភិវឌ្ឍជលផលក្រោយប្រមូលផល អនុវត្តរួមគ្នាដោយរដ្ឋបាលជលផល និងអង្គការU N IDO ក្រោមហិរញ្ញប្បទានពីសហភាពអ៊ឺរ៉ុប បង្កើតឡើងក្នុងគោលបំណរួមចំណែកលើកកម្ពស់វិស័យឯកជនក្នុងការអភិវឌ្ឍការកែច្នៃផលិតជលផល៕ អត្ថបទ៖ទូច សោភ័ណ