ក្រុមមេដឹកនាំពិភពលោក បានជួបជុំគ្នានៅថ្ងៃបើកកិច្ចប្រជុំកំពូលគោលដៅអភិវឌ្ឍប្រកបដោយចីរភាពនៅអង្គការសហប្រជាជាតិ(UN) ។

 នៅក្នុងអនុសាសន៍បើកកិច្ចប្រជុំកំពូល អគ្គលេខាធិការអង្គការសហប្រជាជាតិលោក António Guterres បានអំពាវនាវឲ្យបញ្ចប់ភាពអត់ឃ្លាន ផ្លាស់ប្តូរមកប្រើប្រាស់ថាមពលបង្កើតថ្មី ផ្សព្វផ្សាយប្រព័ន្ធឌីជីថល និងការអប់រំ ហើយនិងលើកកម្ពស់សិទ្ធិសមភាពយេនឌ័រពេញលេញ ។

 លោក Guterres និយាយថា កាលពីរយៈពេល ៨ឆ្នាំមុន សមាជិករដ្ឋ បានជួបជុំគ្នានៅក្នុងសាលមួយនេះ ដើម្បីអនុម័តគោលដៅអភិវឌ្ឍប្រកបដោយចីរភាព ។ ដោយមានការមើលពីពិភពលោក មនុស្សក្មេងៗ ១៩៣នាក់ នៅក្រោមរានហាលនេះ កាន់ចង្កៀងក្តីសង្ឃឹមពណ៌ខៀវ ។ 

 លោកបន្តថា អ្នកបានសន្យា សន្យាបង្កើតសុខភាពពិភពលោក វឌ្ឍនភាព និងឱកាសសម្រាប់អ្នកទាំងអស់គ្នា គឺជាការសន្យាមួយដែលគ្មានទុកចោលនរណាម្នាក់នោះឡើយ ។ 

 លោកថា មនុស្សអត់ឃ្លាននៅលើពិភពលោកមានច្រើនណាស់ កុមារគ្មានកៅអីអង្គុយក្នុងថ្នាក់រៀន គ្រួសាររត់ភៀសខ្លួនពីជម្លោះ ស្វែងរកជីវិតល្អប្រសើរជាងនេះ ។ ឪពុកម្តាយបានត្រឹមឈរមើលដោយគ្មានអ្នកណាអាចជួយបាន ពេលដែលកូនៗរបស់ពួកគេ ស្លាប់ដោយសារតែជំងឺដែលអាចការពារបាន ។ មនុស្សបាត់បង់ក្តីសង្ឃឹម ដោយសារតែពួកគេពុំអាចស្វែងរកការងារធ្វើ ឬប្រព័ន្ធសុវត្ថិភាព ពេលដែលពួកគេត្រូវការវា ។ តំបន់សហគមន៍ទាំងមូល ស្ថិតនៅមាត់ទ្វារដ៏គ្រោះថ្នាក់ ដោយសារបម្រែបម្រួលអាកាសធាតុ ៕