អតីតមន្ទីរឃុំឃាំងសម្ងាត់ ESMA ដែលត្រូវបានប្រើប្រាស់ដោយក្រុមផ្តាច់ការយោធាចុងក្រោយរបស់ប្រទេសអាហ្សង់ទីន ត្រូវបានគេប្រកាសជាតំបន់បេតិកភណ្ឌពិភពលោករបស់អង្គការ UNESCO កាលពីថ្ងៃអង្គារ ។ នេះបើយោងតាមការអះអាងរបស់លោក Alberto Fernandez គឺជាប្រធានទីភ្នាក់ងារអង្គការសហប្រជាជាតិមួយនេះ ។

 យោងតាមការប៉ាន់ស្មានរបស់អង្គការសិទ្ធិមនុស្ស បានឲ្យដឹងថា មន្ទីរឃុំឃាំង ESMA គឺជាមជ្ឈមណ្ឌធ្វើទារុណកម្ម និងឃុំឃាំងធំបំផុតនៅក្នុងប្រទេសអាហ្សង់ទីន អំឡុងរបបយោធាបង្ហូរឈាមដែលបណ្តាលឲ្យមនុស្សជិត ៣ម៉ឺននាក់បាត់ខ្លួន ។

 បច្ចុប្បន្នមន្ទីរមួយនេះ មានទីតាំងអតីតមន្ទីរឃុំឃាំងសម្ងាត់ ESMA មន្ទីរធ្វើទារុណកម្ម និងសារមន្ទីរមណ្ឌលកម្ចាត់មេរោគ និងទីតាំងរំឭកអនុស្សាវរីយ៍ ដែលបច្ចុប្បន្នស្ថិតនៅលើបញ្ជីឈ្មោះអង្គការ UNESCO ផងដែរ ។

 ពាក់ព័ន្ធនឹងការចុះបញ្ជីបេតិកភ័ណនេះដែរ ប្រធានាធិបតីអាហ្សង់ទីនលោក Alberto Fernandez បានបង្ហាញការដឹងគុណចំពោះការបញ្ចូលមន្ទីរឃុំឃាំង ESMA ទៅក្នុងបញ្ជីឈ្មោះរបស់អង្គការ UNESCO ។

 លោកបានឆ្លុះបញ្ចាំងផងដែរការចងចាំងរយៈពេល ៤០ឆ្នាំ ក្រោយវិលត្រឡប់មកកាន់លទ្ធិប្រជាធិបតេយ្យវិញ ។

 លោក Fernandez និយាយថា នៅសាលាមេកានិចកងទ័ពជើងទឹក ពួកយើងបានឆ្លងកាត់អំពើភេរវកម្មដ៏អាក្រក់បំផុត ។ អំឡុងពេលនោះ អាហ្សង់ទីន បាងរងគ្រោះដោយសារការប្រហារជីវិតអ្នកទាំងអស់ដែលប្រឆាំងនឹងអំពើផ្តាច់ការរបស់យោធា ពួកគេត្រូវបានកាត់ទោសប្រហារជីវិត ត្រូវបានចាប់ខ្លួន ហើយភាគច្រើននៃពួកគេក្លាយជាកម្មវត្ថុនៃការធ្វើទារុណកម្ម និងបាត់ខ្លួនពីផែនដី ៕