សម្រាប់ជនជាតិសូម៉ាលី ដែលធ្វើដំណើរមកដល់ជំរំមួយនេះ ស្ថិតនៅក្នុងរដ្ឋធានី Mogadishu ក្រោយរត់ភៀសខ្លួនចេញពីភាពអត់ឃ្លាន និងជម្លោះនៅតំបន់ជនបទ ប្រាក់ ១៣០ដុល្លារក្នុង១ខែដែលពួកគេទទួលបានសម្រាប់ចិញ្ចឹមគ្រួសាររបស់ពួកគេ គឺជាលាភសក្ការៈធំខ្លាំងណាស់ ។

 ប៉ុន្តែអ្នកទទួលបានជំនួយ ២រូបនៅក្នុងជំរំ Muri បាននិយាយប្រាប់ទីភ្នាក់ងារព័ត៌មានរ៉យទ័រថា ប៉ុន្តែភ្លាមៗនោះនោះ ពួកគេនឹងមើលឃើញចោរលួចស្បៀងទាំងភ្នែកស្រស់ ។

 ស្រ្តីជាម្តាយកូន ៦ម្នាក់មកពីតំបន់ភាគកណ្តាលសូម៉ាលី និយាយថា ក្រោយពេលទីភ្នាក់ងារជំនួយយកប្រាក់មកឲ្យពួកយើង រួចចាកចេញទៅបាត់ ប្រធានជំរំ បានសុំដកស៊ីមកាតរបស់ពួកយើង ។

 ស្រ្តីជម្លៀសខ្លួនម្នាក់ទៀត បាននិយាយរៀបរាប់ផងដែរពីវិធីដែលប្រធានជំរំយកស្បៀងអាហារដែលគេចែកចាយ ក្រោមការយាមកាមរបស់កងកម្លាំងសន្តិសុខរដ្ឋាភិបាល ។

 ស្រ្តីទាំង ២នាក់នេះ និយាយដោយសុំមិនបញ្ចេញឈ្មោះ ដោយសារតែខ្លាចគេស្តីបន្ទោសឲ្យ ។

 ទោះបីជាយ៉ាងណាក៏ដោយ ប្រធានជំរំ Muri លោក Mohamed Ahmed បានច្រានចោលទាំងស្រុងការចោទប្រកាន់មួយនេះ ដោយលោកបញ្ជាក់ថា ពួកយើងពុំបានមើលឃើញគេលួចស្បៀងអាហារដោយភ្ជុងកាណុងកាំភ្លើងនោះទេ ។

 លោកបន្តថា ករណីបែបនេះ ធ្លាប់កើតមានឡើងពិតមែន ប៉ុន្តែច្រើនឆ្នាំមកហើយ ដោយសារតែពេលនោះ មានភាពវឹកវរ ប៉ុន្តែពួកយើងពុំដែលឃើញករណីលួចស្បៀងនាពេលថ្មីៗនេះនោះទេ ៕