សមាជិកសភាជាន់ខ្ពស់របស់ប្រទេសថៃ បាននិយាយកាលពីថ្ងៃពុធ (ទី២០ ខែកញ្ញា) ថា សមាជិកសភារបស់ប្រទេសនេះ នឹងបន្តការជំរុញឲ្យមានច្បាប់ដ៏សំខាន់មួយស្តីពីការប្រើប្រាស់កញ្ឆា សម្រាប់គោលបំណងវេជ្ជសាស្រ្ត និងការស្រាវជ្រាវ។ សមាជិកសភាជាន់ខ្ពស់មួយរូបបាននិយាយកាលពីថ្ងៃពុធ (20 ខែកញ្ញា) ច្រើនជាងមួយឆ្នាំបន្ទាប់ពីគ្រឿងញៀនត្រូវបានធ្វើឱ្យស្របច្បាប់ដោយគ្មានបទប្បញ្ញត្តិត្រឹមត្រូវ។

សូមរំលឹកថា កាលពីឆ្នាំមុន ថៃបានក្លាយជាប្រទេសដំបូងគេនៅអាស៊ីអាគ្នេយ៍ ដែលធ្វើឲ្យការប្រើប្រាស់កញ្ឆាស្របច្បាប់ ប៉ុន្តែដោយសារគ្មានវិធានការជាក់លាក់ រដ្ឋាភិបាលត្រូវចេញច្បាប់ជាបន្ទាន់ ដើម្បីការពារការប្រើប្រាស់ ដោយគ្មានការត្រួតពិនិត្យ ជាពិសេសក្នុងចំណោមកុមារ។

ច្បាប់ថ្មីនេះនឹងកំណត់គោលដៅឧស្សាហកម្ម ដែលមានតម្លៃរហូតដល់ ១,២ពាន់លានដុល្លារអាមេរិក ក្នុងរយៈពេលប៉ុន្មានឆ្នាំខាងមុខ ដោយហាងលក់កញ្ឆា បានកើតឡើងព្រោងព្រាតពេញរាជធានីបាងកក និងកន្លែងទេសចរណ៍សំខាន់ៗ ដូចជាកោះរមណីយដ្ឋានភូកេតជាដើម។

សេចក្តីព្រាងច្បាប់ ដែលរួមបញ្ចូលវិធានការប្រឆាំងនឹងការប្រើប្រាស់សាធារណៈ ដែលរដ្ឋាភិបាលឥឡូវនេះពឹងផ្អែកលើការទប់ទល់នឹងការប្រព្រឹត្តមិនត្រឹមត្រូវនោះ ត្រូវបានគេរំពឹងថា នឹងចំណាយពេលមួយឆ្នាំ ដើម្បីបញ្ចប់ និងអនុម័ត។ ច្បាប់នេះក្ដោបលើការអនុញ្ញាតឲ្យដាំរុក្ខជាតិនេះ ការលក់ និងការចែកចាយ និងវិធានការតឹងរ៉ឹងប្រឆាំងនឹងការលក់ នៅក្នុងវិហារ សាលារៀន និងសួនកម្សាន្ត៕