ប្រធានាធិបតីកុងហ្គោចង់ឲ្យកងកម្លាំងរក្សាសន្តិភាពរបស់អង្គការសហប្រជាជាតិធំជាងគេទីពីររបស់ពិភពលោក ចាកចេញរបស់ខ្លួនពីប្រទេសនេះ ដោយចាប់ផ្តើមខែធ្នូឆ្នាំនេះ ដោយនិយាយថា ខ្លួនបានបរាជ័យក្នុងការទប់ទល់នឹងជម្លោះនៅភាគខាងកើតរបស់ប្រទេសនេះ។

នៅក្នុងសុន្ទរកថាទៅកាន់ការជួបជុំប្រចាំឆ្នាំរបស់មេដឹកនាំពិភពលោកនៅUN កាលពីថ្ងៃពុធ លោកប្រធានាធិបតី Felix-Antoine Tshisekedi បានចោទប្រកាន់បេសកកម្មរក្សាសន្តិភាពដែលមានកម្លាំង ១៧.០០០នាក់ថា មិនអាចប្រឈមមុខនឹងជម្លោះនៅកុងហ្គោភាគខាងកើតដែលកំពុង«បំបែក»ប្រទេសអាហ្វ្រិកកណ្តាលនេះ។

លោក បាននិយាយថា ក្រោយពីកិច្ចខិតខំប្រឹងប្រែងរក្សាសន្តិភាពអស់រយៈពេល២៥ឆ្នាំ ឥឡូវដល់ពេលសម្រាប់ប្រទេសរបស់យើងទទួលយកជោគវាសនារបស់ខ្លួនយ៉ាងពេញលេញមកដាក់នៅក្នុងដៃ ហើយក្លាយជាកងកម្លាំងសន្តិសុខនាំមុខគេនៅក្នុងប្រទេសកុងហ្គោ។

លោកប្រធានាធិបតីដែលកំពុងស្វែងរកអាណត្តិទីពីរនៅក្នុងការបោះឆ្នោតសកលនៅខែធ្នូ បាននិយាយថា ការពន្លឿន ការចាប់ផ្តើមនៃការដកបេសកកម្មរក្សាសន្តិភាពចេញពីប្រទេសនេះ ក្នុងរយៈពេលមួយឆ្នាំ ចាប់ពីខែធ្នូឆ្នាំ ២០២៤ នឹងជួយបន្ធូរបន្ថយភាពតានតឹងដ៏ខ្លាំងក្លា នៅក្នុងតំបន់នេះ។