អ៊ុយក្រែន ៖ ការផ្ទុះត្រូវបានគេឮនៅក្នុងរដ្ឋធានីនៅព្រឹកថ្ងៃព្រហស្បតិ៍នេះ ខណៈដែលរុស្ស៊ី បានចាប់ផ្ដើមវាយប្រហារដោយកាំជ្រួចទៅលើប្រទេសអ៊ុយក្រែន។

ពន្លឺភ្លើងចេញពីផ្ទុះគ្រាប់ព្រមទាំងផ្សែងហុយចេញពីលើអគារក្នុងទីក្រុង ត្រូវបានមើលដោយអ្នកសារព័ត៌មានរ៉ូយទ័រ។

អភិបាលក្រុងគីវ លោក វីតាលី គ្លីតស្កូបាននិយាយថា មនុស្ស៧នាក់ក្នុងនោះរួមមានក្មេងស្រីម្នាក់អាយុ ៩ឆ្នាំក្នុងក្រុងគីវ បានរងរបួសផងដែរ។

ក្រុមមន្រ្ដីបាននិយាយថា ការវាយប្រហារតាមអាកាសនេះ បានបណ្តាឲ្យមនុស្សយ៉ាងហោចណាស់១៨នាក់ នៅទូទាំងប្រទេសអ៊ុយក្រែន បានរងរបួសនិងបានបង្កឲ្យខូចខាតហេដ្ឋារចនាសម្ព័នជាច្រើននៅទូទាំងប្រទេស។

ក្រុមមន្រ្ដី និងប្រព័ន្ធផ្សព្វផ្សាយក្នុងស្រុកក៏បានរាយការផងដែរថា មួយផ្នែកនៃក្រុងRivne (រីវិន)បានដាច់ចរន្ដអគ្គីសនី និងបានបង្ហាញថា ការវាយប្រហាររបស់រុស្ស៊ី បានដាក់គោលដៅលើហេដ្ឋារចនាសម្ព័ន្ធថាមពលអគ្គីសនី។