បេឡារុស ៖ ក្រុមរដ្ឋមន្រ្ដីរដ្ឋាភិបាលបានប្រកាសកាលពីថ្ងៃអង្គារថា ប្រទេសឡាតវី នឹងបិទចំណុចឆ្លងកាត់ពីរកន្លែងរបស់ខ្លួនជាមួយជិតខាងប្រទេសបេឡារុស នៅក្នុងកិច្ចប្រឹងប្រែងដើម្បីទប់ស្កាត់ជនអន្តោប្រវេសន៍

ខុសច្បាប់។

នាយករដ្ឋមន្រ្ដីឡាតវី លោកស្រី អេវីកា ស៊ីលីណា បាននិយាយថា ភាពតានតឹងនៅតាមព្រំដែនកំពុងកើនឡើង ហើយប្រទេសឡារុសដែលជាសម្ព័នមិត្ដរបស់រុស្ស៊ី នៅតែបន្តគំរាមកំហែងដោយវិធានការចម្រុះប្រឆាំងនឹងប្រទេសឡាតវី។

អង្គការណាតូនិងសមាជិករបស់សហភាពអឺរ៉ុប ដូចជា ប្រទេសឡាតវី លីទុយអានី ប៉ូឡូញ និងសម្ព័នមិត្ត របស់ពួកគេផ្សេងទៀត ចង់បញ្ជាក់ប្រាប់ប្រទេសបេឡារុសថា ការលើកទឹកចិត្ដ ឬការបង្ខំជនអន្ដោប្រវេសន៍ណាមួយឲ្យឆ្លងកាត់ចូលក្នុងទឹកដីរបស់ពួកគេដោយចេតនាទៀងទាត់ គឺជាការព្យាយាមមួយដើម្បីធ្វើឲ្យប្រទេសរបស់ពួកគេមានអស្ថិរភាព។

រដ្ឋមន្រ្ដីក្រសួងមហាផ្ទៃលោក រីឆាត កូសឡូវស្គី បាននិយាយថា ការបិទស្ថានីយព្រំដែនSilene នឹងអាច ជួយបន្ធូរបន្ថយដល់បុគ្គលិកយោធាប្រមាណជា៥០នាក់ ដែលបានជួយសមត្ថកិច្ចនៅតំបន់ផ្សេងៗនៅព្រំដែន ដោយបន្ថែមថា ចំនួននៃអ្នកប៉ុនប៉ងឆ្លងកាត់ព្រំដែនគឺមានលើសពីការព្យាករណ៍របស់រដ្ឋាភិបាល។

ប្រទេសឡាតវី លីទុយអានី និងប៉ូឡូញ បានប្រឈមនឹងវិបត្ដិជនអន្តោប្រវេសន៍ក្នុងឆ្នាំ២០២១ នៅពេលដែលមនុស្សរាប់ពាន់នាក់ ភាគច្រើនមកពីមជ្ឈឹមបូព៌ា និងអាហ្រ្វិកបានចាប់ផ្ដើមឆ្លងចេញពីប្រទេស

បេឡារុស។ ជាងនេះទៅទៀត ពួកគេក៏បានជួយរុញច្រានជនអន្ដោប្រវេសន៍ទាំងនៅអោយត្រឡប់ទៅវិញ ដែលជាគោលនយោបាយមួយស្ថិតនៅជាធរមាននៅឡើយ។

ប្រទេសប៉ូឡូញ និងប្រទេសលីទុយអានី បានធ្វើរបងនៅតាមព្រំដែនរបស់ពួកគេជាប់ជាមួយប្រទេសបេឡារុស ហើយរដ្ឋាភិបាលថ្មីរបស់ប្រទេសឡាតវី បានសន្យាថា ត្រូវតែបញ្ចប់ការសង់របងរបស់ខ្លួនឲ្យ រួចរាល់នៅចុងឆ្នាំនេះ។