ប៊ុលហ្គារី ៖ កសិករប៊ុលហ្គារី បានដាក់តម្រៀបត្រាក់ទ័ររបស់ពួកគេរាប់រយគ្រឿងជាជួរ នៅលើវាលស្រែមួយជិតក្រុងសូហ្វ្យា (Sofia) នៅមុនការតវ៉ានៅក្នុងរដ្ឋាធានី បន្ទាប់ពីក្រុមសមាជិកសភាបុលហ្គារី បានបោះឆ្នោតដកបម្រាមលើការនាំចូលគ្រាប់ធញ្ញជាតិអ៊ុយក្រែន។

ក្រុមកសិករបាននិយាយថា ពួកគេកំពុងស្វែងរកការប្រកួតប្រជែងយ៉ាងលំបាកជាមួយនឹងទំនិញកសិកម្ម នាំចូលដែលមានតម្លៃថោក ហើយបាននិយាយថា ពួកគេចង់ឲ្យមានការរឹតបន្ដឹងខ្លាំងថែមទៀតទៅលើ ទំនិញដែលនាំចូលរហូតដល់អ្នកផលិតក្នុងស្រុក អាចទទួលបានតម្លៃប្រសើរឡើងវិញ។

ប៊ុលហ្គារីជាប្រទេសមួយក្នុងចំណោម៥ប្រទេស ដែលស្ថិតក្រោមវិសាលភាពនៃបម្រាមមួយស្ដីពីការលក់ផលិតផលកសិកម្មមួយចំនួនមកពីប្រទេសអ៊ុយក្រែន ដែលបានផុតកំណត់ កាលពីថ្ងៃសុក្រទី១៥កញ្ញា បន្ទាប់ពីគណៈកម្មាការអឺរ៉ុប បានសម្រេចមិនបន្ដសុពលភាពតទៅទៀតនោះ។

ដំណោះស្រាយដែលបានអនុម័តដោយសភាប៊ុលហ្គារី បាននិយាយថា ការលើកលែងបំរាមនឹងមិនដាក់អោយមានការប្រកួតប្រជែងរបស់អ្នកផលិតកសិកម្មប៊ុលហ្គារីដែលកំពុងជួបហានិភ័យឡើយ៕