ប្រព័ន្ធផ្សព្វផ្សាយរដ្ឋអ៊ីរ៉ង់ បាននិយាយថា អ៊ីរ៉ង់នៅថ្ងៃសុក្រនេះ បានដង្ហែរគ្រឿងយុទ្ធោបករណ៍របស់ខ្លួនក្នុងថ្ងៃខួបនៃសង្គ្រាមឆ្នាំ១៩៨០របស់ខ្លួនជាមួយអ៊ីរ៉ាក់ រួមទាំងយានដ្រូនរយៈចម្ងាយឆ្ងាយបំផុតក្នុងពិភពលោក រួមជាមួយនឹងមីស៊ីលបាលិស្ទិក និងល្បឿនលឿនជាងសំឡេង។

ពួកគេបាននិយាយថា យានដ្រូន ត្រូវបានបង្ហាញ នៅក្នុងក្បួនដង្ហែរ ដែលត្រូវបានផ្សាយបន្តផ្ទាល់ ហើយយានដ្រូនដែលត្រូវបង្ហាញនៅក្នុងព្រឹត្តិការណ៍នោះ ត្រូវបានគេដាក់ឈ្មោះថា មូហាជឺ (Mohajer), សាហេដ( Shahed) និងអារ៉ាស( Arash)។

សាធារណរដ្ឋឥស្លាមនេះ បាននិយាយកាលពីខែមុនថា ខ្លួនបានបង្កើតផលិតយានដ្រូនទំនើបឈ្មោះ មូហាជឺ-១០ (Mohajer-10) ជាមួយនឹងរយៈចម្ងាយហោះហើរ និងរយៈពេលដែលប្រសើរឡើង ព្រមទាំងបន្ទុកធំជាងមុន។

ប្រព័ន្ធផ្សព្វផ្សាយរដ្ឋ បានរាយការណ៍ថា យានដ្រូនេះ អាចប្រតិបត្តិការបានចម្ងាច២.000 គីឡូម៉ែត្រ (១.២៤០ម៉ាយ) ហើយអាចហោះហើរបានរយៈពេល២៤ម៉ោង ដោយបន្ថែមថា ចម្រុះរបស់វា អាចផ្ទុកបានទម្ងន់៣០០គីឡូក្រាម (៦៦១ផោន)ដែលមានសមត្ថភាពទ្វេដងនៃយានដ្រូនMohajer-6។