អនុរដ្ឋមន្ត្រីការបរទេសអាហ្សង់ទីន លោក Pablo Tettamanti បាននិយាយថា គំនិតផ្តួចផ្តើមខ្សែក្រវាត់ និងផ្លូវ ឬផ្លូវមួយខ្សែក្រវាត់មួយ (BRI) ដែលស្នើឡើងដោយប្រទេសចិន បានបញ្ចូលបន្ថែមនូវសន្ទុះកំណើនថ្មីទៅក្នុងកិច្ចសហប្រតិបត្តិការ រវាងប្រទេសទាំង២ បើទោះបីជាមានចម្ងាយភូមិសាស្ត្រឆ្ងាយខ្លាំងក៏ដោយ។

ប្រទេសអាហ្សង់ទីនបានចូលរួមគំនិតផ្តួចផ្តើមខ្សែក្រវាត់ និងផ្លូវនេះ ក្នុងខែមិថុនាឆ្នាំនេះ ក្នុងនាមជាប្រទេស នៅតំបន់អាមេរិកឡាទីនដំបូងគេ។ លោក Tettamanti បានចាត់ទុកចំណាត់ការនេះថា ជាជំហានឆ្ពោះទៅមុខ ដើម្បីលើកកម្ពស់ទំនាក់ទំនងទ្វេភាគីជាមួយប្រទេសចិន។

លោកបាននិយាយថា៖ «នេះគឺជាជំហានមួយឆ្ពោះទៅមុខ ដែលយើងបានអនុវត្តដោយការចុះហត្ថលេខាលើកិច្ចព្រមព្រៀងខ្សែក្រវ៉ាត់ និងផ្លូវ ដែលពិតជាបានរួមបញ្ចូលនូវអ្វី ដែលជាទំនាក់ទំនងទ្វេភាគីរបស់យើង និងវិស័យជាច្រើនទៀត។ ដូច្នេះ គំនិតផ្ដួចផ្ដើមនេះបានធ្វើពិពិធកម្មទំនាក់ទំនងនេះ។ យើងបាន និងកំពុងសាងរួហើយនូវរបៀបវារៈទ្វេភាគី ដោយមានគម្រោងជាក់លាក់។ ដូច្នេះ នេះមិនមែនគ្រាន់តែជាការប្រកាសនយោបាយសាមញ្ញាធម្មតានោះទេ»។

ដោយនិយាយអំពីតួនាទីនៃការវិនិយោគ និងហិរញ្ញវត្ថុរបស់ប្រទេសចិ ននៅក្នុងសេដ្ឋកិច្ចរបស់អាហ្សង់ទីន លោកបាននិយាយថា គម្រោងហេដ្ឋារចនាសម្ព័ន្ធរបស់ចិន នៅក្នុងប្រទេសអាហ្សង់ទីនជួយបង្កើតការងារក្នុងស្រុក និងជំរុញពាណិជ្ជកម្មទ្វេភាគី និងអន្តរជាតិ៕