ឥណ្ឌា ៖ អត្តពលិកក្បាច់គុនឥណ្ឌាបីនាក់ ទំនងជាជាប់ពាក់ព័ន្ធក្នុងជម្លោះរវាងប្រទេសឥណ្ឌា និងចិន ជុំវិញជម្លោះព្រំដែនដែលកើតមានរយៈពេលជាយូរអង្វែងមកហើយ។ ស្ត្រីទាំងនោះមកពីរដ្ឋ អារុណណាចាល ប្រដេស(Arunachal Pradesh) ប្រទេសឥណ្ឌា ដែលប្រទេសចិនអះអាងថាជាទឹកដីរបស់ខ្លួន។ ពួកគេស្ថិតក្នុងពូលត្រូវប្រកួតនៅក្នុងព្រឹត្តិការណ៍កីឡាអាស៊ី(Asian Games) ដែលត្រូវបើកក្នុងទីក្រុង Hangzhou ប្រទេសចិននៅថ្ងៃសៅរ៍នេះ។ ប៉ុន្តែឥណ្ឌាបាននិយាយថា អត្តពលិកត្រូវបានរារាំងមិនឲ្យធ្វើដំណើរ និងបានចោទប្រកាន់ទីក្រុងប៉េកាំងថា បានបដិសេធពួកគេចំពោះការទទួលការតែងតាំងត្រឹមត្រូវ។ ប្រទេសចិនបានបដិសេធចំពោះការលើកឡើងនេះ ដោយនិយាយថាអត្តពលិកទាំងអស់ដែលមានឯកសារផ្លូវច្បាប់ត្រូវបានស្វាគមន៍។ យោងតាមប្រព័ន្ធផ្សព្វផ្សាយឥណ្ឌាបានឲ្យដឹងថា អត្តពលិកកីឡាវូស៊ូ (wushu) បីនាក់ ត្រូវបានទុកចោលបន្ទាប់ពីឯកសាររបស់ពួកគេពុំអាចទាញយកបាន។ គ្មានសមាជិកផ្សេងទៀតរបស់ក្រុមណាមួយត្រូវបានរាយការណ៍ថាជួបប្រទះបញ្ហាណាមួយឡើយ។ នៅក្នុងសេចក្តីថ្លែងការណ៍ ក្រសួងការបរទេសឥណ្ឌាបាននិយាយថា ប្រទេសចិនមានការរើសអើងលើអត្តពលិកនៅក្នុងលក្ខណៈដាក់គោលដៅ និងគិតទុកជាមុន។ 

រដ្ឋ Arunachal Pradesh តែងតែជាផ្នែកមួយដ៏សំខាន់ និងមិនអាចកាត់ផ្តាច់បានរបស់ប្រទេសឥណ្ឌា។ប្រទេសឥណ្ឌាបាននិយាយថា ខ្លួនបានចាប់ផ្តើមការតវ៉ាយ៉ាងខ្លាំងជុំវិញបញ្ហានេះ និងបាននិយាយថា រដ្ឋមន្ត្រីកីឡារបស់ប្រទេស បានលុបចោលការធ្វើដំណើររបស់លោកទៅកាន់ព្រឹត្តិការណ៍កីឡា។ មន្ត្រីម្នាក់នៅក្រុមប្រឹក្សាគីឡាអូឡាំពិកអាស៊ី (OCA) បាននិយាយថា ប្រទេសចិនបានចេញទិដ្ឋាការដល់អត្តពលិកស្ត្រីទាំងបីនាក់នេះប៉ុន្តែពួកគេបានបដិសេធមិនទទួលយក ដោយសារពួកគេខុសទិដ្ឋាការដែលបានផ្តល់ឱ្យគណៈប្រតិភូឥណ្ឌា។ មន្ត្រី OCA ម្នាក់បាននិយាយថា គណៈកម្មាធិការរៀបចំការប្រកួតកីឡាកំពុងធ្វើការដើម្បីស្វែងរកដំណោះស្រាយដើម្បីឱ្យស្ត្រីទាំងនេះអាចប្រកួតមកប្រកួតប្រជែងបាន។