អ៊ុយក្រែន ៖ កងទ័ពអ៊ុយក្រែន បានវាយធ្វើការវាយប្រហារទៅលើតំបន់ដីសណ្ដDnipro គឺពួកគេកំពុងកាន់កាប់ទីតាំងនៅជិតការតាំងទីលំនៅរបស់តំបន់Dachi (មានចម្ងាយ១០គីឡូម៉ែត្រភាគខាងត្បូងនៃតំបន់ឃើសុន[Kherson]) និងនៅជិតស្ពានអានតូនីវកា ( Antonivka)នៅច្រាំងខាងឆ្វេងនៃតំបន់ឃើសុន។

កងកម្លាំងអ៊ុយក្រែន បានរុលទៅភាគខាងត្បូងពីតំបន់បាកមូត ( Bakhmut) និងចូលទៅផ្នែកខាងលិចនៃតំបន់ហ្សាប៉ូរីហ្សា(Zaporizhzhya) នៅថ្ងៃទី២២ ខែកញ្ញា។ រូបភាពទីតាំងភូមិសាស្ត្រ ដែលបានចេញផ្សាយ នៅថ្ងៃទី២២ ខែកញ្ញា បានបង្ហាញថា កងកម្លាំងអ៊ុយក្រែន កំពុងឆ្ពោះទៅភាគអាគ្នេយ៍នៃតំបន់ក្លីសជីអ៊ីវកា (Klishchiivka) (មានចម្ងាយ៧គីឡូម៉ែត្រ ភាគនិរតីនៃតំបន់បាកមូត) ។

អ្នកសរសេរប្លុកយោធារុស្ស៊ីម្នាក់ បានអះអាងថា កងទ័ពអ៊ុយក្រែន បានរុលទៅមុខបន្តិច នៅភាគខាងជើងនៃតំបន់ណូវ៉ូប្រូកូពីវកា(Novoprokopivka) ហើយបច្ចុប្បន្ននេះមានចម្ងាយប្រហែល ៨០០ម៉ែត្រពីជាយក្រុងនៃកន្លែងតាំងទីលំនៅ នៅទីក្រុងហ្សាប៉ូរីហ្សា។ នេះគឺស្របតាមការប៉ាន់ប្រមាណរបស់ ISW។

អគ្គសេនាធិការកងទ័ពនៃប្រទេសអ៊ុយក្រែន បានរាយការណ៍ថា កងទ័ពអ៊ុយក្រែន បានបន្តប្រតិបត្តិការវាយលុក នៅលើខ្សែត្រៀមជួរមុខនៃតំបន់មេលីតូប៉ូល (Melitopol) (ភាគខាងលិចនៃតំបន់ហ្សាប៉ូរីហ្សា) និងនៅលើខ្សែត្រៀមជួរមុខតំបន់បាកមូត ដោយបានបំផ្លិចបំផ្លាញ និងបង្កការខាតបង់ដល់កងទ័ពរុស្ស៊ីនៅតាមជួរមុខទាំងស្រុង។