ភ្នំពេញ ៖ ពិភពម៉ាឡាយូ ពិភពឥស្លាម ហៅកាត់ថា DMDI បានប្រារព្ធពិធីបើកសន្និសីទ DMDI លើកទី២១ ដែលកម្ពុជា ធ្វើជាម្ចាស់ផ្ទះ ក្នុងគោលបំណង ដើម្បីលើកកម្ពស់ការអភិវឌ្ឍសេដ្ឋកិច្ចសង្គម តាមរយៈការចូលរួមរបស់ប្រតិភូ និងអ្នកវិនិយោគិន ធុរជនបរទេស មកពី បណ្តាប្រទេស ជា សមាជិក ហើយក៏ផ្ដោតលើឧស្សាហកម្មហាឡាលកម្ពុជា។  

ពិធីនេះ ធ្វើឡើងនៅសណ្ឋាគារភ្នំពេញ និងមានរយៈពេល ៤ ថ្ងៃ ចាប់ពីថ្ងៃទី២២ ដល់ថ្ងៃទី២៥ ខែកញ្ញា ឆ្នាំ២០២៣ ក្រោមប្រធានបទ "ការពង្រឹងសហគ្រិនភាពនៃសមាជិក DMI និងដៃគូរនានា ក្រោមអធិបតីភាព ឯកឧត្ដម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជាតំណាងដ៏ខ្ពង់ ខ្ពស់របស់សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជា ណាចក្រកម្ពុជា និង Tun Seri Setia (Dr) Mohd Ali bin Mohd Ristam ប្រធាន ពិភពម៉ាឡេពិភពឥស្លាម។ឯកឧត្តមទេសរដ្ឋមន្ត្រី អូស្មាន ហាស្សាន់ អនុប្រធាន DMDI និងជាប្រធាន DMDI កម្ពុជា ឯកឧត្តម លោកជំទាវ សមាជិក ព្រឹទ្ធសភា រដ្ឋសភា ឯកអគ្គរាជទូត- រដ្ឋទូត ភ្នាក់ងារធនាគារ សមាគមធុរកិច្ចនៃបណ្ដាប្រទេស ដែលជាសមាជិក DMDI ព្រមទាំងអភិបាលរង ខេត្ត-ក្រុង ស្រុក-ខណ្ឌ តំណាងសមាគម ក្រុមហ៊ុន សហគ្រាសនៅកម្ពុជាជាង ២០០ នាក់ ផងដែរ។

ឯកឧត្តមទេសរដ្ឋមន្ត្រី អូស្មាន ហាស្សាន់ បានលើក ឡើងថា “សន្និសីទនេះ ពិតជាអាចធ្វើឱ្យអ្នកចូលរួមជាតិនិងអន្តរជាតិ ទទួលបាននូវចំណេះដឹង បទពិសោធន៍ថ្មីៗជុំវិញ ការងារសហគ្រិនភាព ជាពិសេសការងារទំនាក់ ទំនងធុរកិច្ចរវាងសមាជិករបស់DMIDI នៅគ្រប់ប្រទេស ឈានទៅពង្រីកមុខ របររបស់ខ្លួនរៀងៗខ្លួន ដែលសមស្របទៅនឹងប្រសាសន៍ដ៏ខ្ពង់ខ្ពស់របស់សម្តេច អគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រីនៃកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជា ណាចក្រកម្ពុជា ដែល បាន ថ្លែងកាលពីថ្ងៃចន្ទ ទី១០ ខែមេសា ឆ្នាំ២០២៣ ក្នុងឱកាសដែលសម្តេចតេជោបានអញ្ជើញជួបសំណេះ សំណាល និងពិសាអាហារសាមគ្គី ជាមួយម្ចាស់សហ គ្រាសធុនតូច និងមធ្យម ក៏ដូចជាអ្នកធ្វើធុរកិច្ចនៅកម្ពុជា នៅមជ្ឈមណ្ឌលសន្និបាត និងពិព័រណ៍កោះពេជ្រ ។

ពីការយកចិត្តទុកដាក់ខ្ពស់របស់រាជរដ្ឋាភិបាលកម្ពុជា ដែលបានផ្តល់សិទ្ធិសេរីភាពគ្រប់បែបយ៉ាងដល់ប្រជាពលរដ្ឋខ្មែរឥស្លាម ដែលមិនអាចគណនាអស់នោះឡើយ ជាពិសេស គឺសុខដុមនីយកម្មជាតិសាសន៍និងសាសនា រហូតដល់ថ្នាក់ដឹកនៃបណ្តាប្រទេសជា ច្រើន បានវាយតម្លៃខ្ពស់និងបានកោតសរសើរដល់កម្ពុជា ដោយបានយកកម្ពុជា ធ្វើជាគម្រូដ៏ល្អនៃប្រទេសដែលមានសុខដុមនីយកម្មជាតិសាសន៍និងសាសនា។

 សន្និសីទថ្ងៃនេះ មានការការចូលរួមដោយក្រុមហ៊ុនសហគ្រិនចំនួន៣៥ មកពីប្រទេសម៉ាឡេស៊ី ឥណ្ឌូនេស៊ី កម្ពុជា ស្រីលង្ការ និងចិន ដោយចូលរួមក្នុងការតាំង ពិព័រណ៍ រួមបញ្ចូលទាំងការលើកកម្ពស់ទេសចរណ៍ម៉ាឡាកា ដំណើរទេសចរនៅម៉ាឡាកា នៅឆ្នាំ២០២៤ខាងមុខ។

ជាមួយគ្នានោះ ឯកឧត្តម ឯកឧត្ដម ស៊ុន ចាន់ថុល ក៏បានថ្លែងអំណរគុណ ដល់ DMDI ដែលជ្រើសរើសកម្ពុជាធ្វើជាម្ចាស់ផ្ទះ នៃសន្និសីទ DMDIលើកទី២១ និងក៏ជឿជាក់ថា ប្រធានបទនៃសន្និសីទនេះ ពិតជាសមស្របទៅនឹងពេលវេលាដែលប្រទេសកម្ពុជា ក្នុងនីតិកាលទី៧នៃរដ្ឋសភា បានដាក់ចេញនូវគោលនយោបាយ យុទ្ធសាស្ត្រ និងផែនការជាច្រើន សំដៅជំរុញកំនើន សេដ្ឋកិច្ច របស់ប្រទេសជាតិ។ រាជរដ្ឋាភិបាលយល់ឃើញថា សហគ្រាសធុនតូចនិងមធ្យមនិងសិប្បកម្មបាន នឹងកំពុងដើរតួនាទីយ៉ាងសំខាន់ក្នុងការអភិវឌ្ឍសង្គម-សេដ្ឋកិច្ចនិងជាក្បាលម៉ាស៊ីននៃកំណើន សេដ្ឋកិច្ច ។រាជរដ្ឋាភិបាលកម្ពុជាបានដាក់ចេញនូវគោល នយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ ២០១៥- ២០២៥ ដើម្បីជាមគ្គុទ្ទេសន៍ជំរុញការអភិវឌ្ឍវិស័យឧស្សាហកម្មនៅកម្ពុជា ដែលនឹងរួមចំណែកដល់ ការរក្សាកំណើនសេដ្ឋកិច្ចខ្ពស់ ប្រកបដោយចីភាពនិងបរិយាប័ន្ទ តាមរយៈការធ្វើពិពិធកម្មសេដ្ឋកិច្ច ការពង្រឹងភាពប្រកួតប្រជែង និងការលើកកម្ពស់ផលិតភាព។

គួរឲ្យដឹងផងដែរថា DMDI ជាអង្គការមិនមែនរដ្ឋភិបាល ត្រូវបានបង្កើតឡើងក្នុងឆ្នាំ២០០០ នៅប្រទេសម៉ាឡេស៊ី ដើម្បីសាមគ្គីភាព ក្នុងចំណោមប្រជាជនមុស្លីមម៉ាឡេ ដូចជាការលើកកម្ពស់ កិច្ចសហប្រតិបត្តិការ ក្នុងគ្រប់ទិដ្ឋភាពទាំងអស់ នៃការអភិវឌ្ឍក្នុងចំណោមប្រជាជនមុស្លីមម៉ាឡេ ជាមួយប្រជាជនប្រទេសផ្សេង ទៀត ក្នុងពិភពលោក។តាំងពីឆ្នាំ២០០០មក DMDIបានបង្កើតសាខាក្នុងប្រទេសចំនួន២៣ប្រទេស ៕ អត្ថបទ ៖ ភារម្យ