ប្រធានាធិបតីចិនលោក Xi Jinping បានបើកព្រឹត្តការណ៍កីឡាអាស៊ី លើកទី១៩​ដែលពន្យា​ពេល​ដោយ​សារជំងឺ COVID-19 នៅទីក្រុងភាគខាងកើតហាងចូវ កាលពីថ្ងៃសៅរ៍ ។

ទស្សនិកជននៅក្នុងពហុកីឡដ្ឋានផ្ទុកក្រុមអ្នកគាំទ្រ ៨ម៉ឺននាក់របស់ទីក្រុងមួយនេះ នាំគ្នា​ក្រោក​ឈរ ពេលដែលលោក Xi ដើរជាមួយឥស្សរជនជាន់ខ្ពស់ រួមទាំង​ប្រធាន​គណៈកម្មាធិការ​កីឡា​អូឡាំពិក​អន្តរជាតិលោក Thomas Bach និងប្រធានាធិបតីស៊ីរីលោក Bashar al-Assad ។

មេដឹកនាំចិនរូបនេះ បានជួបជាមួយលោក Assad មុនពិធីបើកព្រឹត្តការណ៍កីឡាអាស៊ី ហើយ​និង​បាន​រៀប​ចំពិ​ធីលៀងសាយភោជន៍ជាមួយក្រុមមដឹកនាំពិភពលោក និងក្រុមឥស្សរជនផ្សេងទៀត ។

លោក Xi និងលោក Assadបានជួបគ្នាកាលពីថ្ងៃសុក្រ ពេលដែលមេដឹកនាំចិនរូបនេះ បាន​អំពាវ​នាវ​ឲ្យ​លោកខាងលិចដកចេញទណ្ឌកម្មលើស៊ីរី ហើយនិងផ្តល់ជំនួយរបស់ទីក្រុងប៉េកាំង ដើម្បី​កសាង​ប្រទេសរងការខ្ទេចខ្ទាំដោយសារភ្លើងសង្រ្គាមមួយនេះ៕