កាលពីថ្ងៃសៅរ៍ម្សិលមិញ ប្រជាពលរដ្ឋអ៊ីស្រាអែលរាប់ម៉ឺននាក់ នាំគ្នា​តវ៉ា​ប្រឆាំង​នឹង​ផែនការ​កំណែ​ទ​ម្រង់​ប្រព័ន្ធតុលាការនៅក្នុងទីក្រុងតែល អាវីវ ស្របពេលមាន​ការ​ជំរុញ​ឲ្យ​ចាប់​ផ្តើម​ឡើង​វិញ​ សម្រាប់​សន្តិភាពអ៊ីស្រាអែល-ប៉ាឡេស្ទីន ដែលជាផ្នែកមួយនៃកិច្ចខិតខំរវាងអ៊ីស្រាអែល អារ៉ាប៊ីសាអូឌីត ដែលគាំទ្រដោយសហរដ្ឋអាមេរិក ។

កាលពីដើមឆ្នាំនេះ រដ្ឋាភិបាលចម្រុះនិយមស្តាំរបស់នាយករដ្ឋមន្រ្តីអ៊ីសា្រអែលលោក Benjamin Netanyahu បានផ្តល់ផែនការដើម្បីកាត់បន្ថយអំណាចរបស់តុលាការកំពូល ជាហេតុ​ធ្វើ​ឲ្យមាន​បាតុកម្ម​ប្រចាំ​សប្តាហ៍នៅទូទាំងប្រទេស ។

ដោយសារតែសំពាធពីសាធារណជន រដ្ឋាភិបាលអ៊ីស្រាអែល បាន​អនុម័ត​ផ្នែក​មួយ​នៃ​ផែន​ការ​ប៉ុណ្ណោះ ​ស្របពេលដែលសមាជិកក្រុមចម្រុះនិយមស្តាំ សន្យាអនុម័តផ្នែកដែលនៅសេសសល់ ។

ច្បាប់ចុងក្រោយនេះដែរ ដែលជាកំណែទម្រង់មួយចំពោះច្បាប់មូលដ្ឋានរបស់អ៊ីស្រាអែល នឹង​ដក​ចេញ​អំណាច​របស់តុលាការ ដែលច្រានចោលការសម្រេចចិត្ត ឬការតែងតាំងរបស់រដ្ឋាភិបាល ។

ស្របពេលដែលមានកំហឹងក្នុងស្រុក លោក Netanyahu បាននិយាយកាលពីថ្ងៃសុក្រថា លោក​ជឿជា​ក់ថា ប្រទេសរបស់លោកស្ថិតនៅលើផ្លូវសន្តិភាពជាមួយអារ៉ាប៊ីសាអូឌីត ហើយ​លោក​បាន​ព្យាករណ៍​ថា វានឹងអាចស្តាសន្តិភាព និងស្ថិរភាពនៅតំបន់មជ្ឈិមបូព៌ា៕