កាលពីថ្ងៃសៅរ៍ម្សិលមិញ ក្រុមភ្នាក់ងារពន្លត់អគ្គិភ័យ បានព្យាយាមពន្លត់ភ្លើងឆេះព្រៃនៅកោះ Sicily ប្រទេសអ៊ីតាលី ដែលបានធ្វើឲ្យប៉ះពាល់តំបន់ Palermo និងតំបន់ Messina ស្ថិត​នៅ​ភាគ​ខាង​ជើង​នៃកោះមួយនេះ ។

មនុស្ស ២នាក់ ត្រូវបានគេរាយការណ៍ថា បានស្លាប់ដោយសារភ្លើងឆេះព្រៃនេះ ដែល​ធ្វើ​ឲ្យ​ឆាប​ឆេះ​កាន់​តែខ្លាំង ដោយសារខ្យល់ Sirocco និងសីតុណ្ហភាពខ្ពស់ ហើយភ្ញៀវទេសចររាប់ពាន់នាក់ ត្រូវ​បានជម្លៀសចេញពីសណ្ឋាគារនៅតំបន់ទេសចរណ៍ Cefalu ។

ក្រុមភ្នាក់ងារពន្លត់អគ្គិភ័យ និយាយថា កងកម្លាំងជួយសង្រ្គោះ ត្រូវបាន​បង្កើន​ទ្វេដង​តាម​វេន​របស់​ពួក​គេ​នៅគ្រ​ប់បញ្ជាការទាំងអស់លើកោះ Sicily ក្នុងនោះក្រុមភ្នាក់ងារពន្លត់អគ្គិភ័យ ៣០០នាក់ កំពុង​បំពេញការងារពន្លត់ភ្លើងឆេះព្រៃនៅតំបន់នោះ៕