ក្រុមបាតុកររាប់សិបនាក់ ត្រូវបានគេឃើញបង្កើតជាច្រវាក់មនុស្ស និងអង្គុយធ្វើបាតុកម្ម នៅ​ភាគ​ខាង​ត្បូង​ទីក្រុង ម៉ាន់យ៉ា (Mandya) ក្នុងរដ្ឋកាណាតាកា (Karnataka) ប្រទេសឥណ្ឌា ជុំវិញ​ជម្លោះ​ចែក​រំលែកទឹកទន្លេ Cauvery កាលពីថ្ងៃសៅរ៍ (២៣ កញ្ញា) បន្ទាប់​ពី​តុលាការ​បដិសេធ​មិន​ជ្រៀត​ជ្រែក​ចូល​អន្តរាគមន៍។

ដោយមានការ​ចង្អុលបង្ហាញថា ទន្លេ Cauvery នេះបានប្រកាសថាជិតរីងស្ងួត អ្នក​ស្រុក​ជា​ច្រើន​បាន​ប្រកាន់​អាជ្ញាធរគ្រប់គ្រងទឹកថា មិនគិតគូរពីកម្រិតទឹកទន្លេដែលត្រូវការរក្សាទុក និងតម្រូវ​ការ​ទឹក​សម្រាប់​ដំណាំ ព្រមទាំងសម្រាប់ផឹកនៅក្នុងរដ្ឋ កាណាតាកា នេះ។

ការអំពាវ​នាវឱ្យបិទនៅក្នុងទីក្រុង ម៉ាន់យ៉ា ត្រូវបានផ្តល់​ដោយ​អង្គការ​ផ្សេងៗ​ជុំវិញ​ជម្លោះ​ចែក​រំលែក​ទឹក​ទន្លេ Cauvery កាលពីថ្ងៃទី២៣ ខែកញ្ញា។ ក្រុមអាជ្ញាធរគ្រប់គ្រងទឹក Cauvery បាន​ ស្នើ​សុំ​ឱ្យរដ្ឋកាណាតាកា បន្តបញ្ចេញទឹកចំនួនជាង១៥០ម៉ែត្រគូប ទៅកាន់រដ្ឋតាមីល ណាដូ (Tamil Nadu) កាលពីថ្ងៃទី១៨ ខែកញ្ញា រយៈពេល១៥ថ្ងៃទៀត នេះបើ​យោង​តាម​របាយការណ៍​របស់​ប្រព័ន្ធ​ផ្សព្វផ្សាយ។

កាលពីដើមសប្តាហ៍នេះ តុលាការកំពូលឥណ្ឌាបានបដិសេធមិនធ្វើអន្តរាគមន៍ក្នុងបញ្ហាទឹកទន្លេ Cauvery នេះនោះទេ ដោយមិនផ្ដល់ការគាំទ្រចំពោះរដ្ឋកាណាតាកា ឬរដ្ឋតាមីល ណាដូ ឡើយ។ គួរបញ្ជាក់ផងដែរថា ការចែករំលែកទឹកនៃទន្លេ Cauvery គឺជា​មូលហេតុ​នៃ​ជម្លោះ​រវាង​រដ្ឋជិត​ខាង​ទាំង​ពី​ររបស់ឥណ្ឌានេះផងដែរ៕