កាលពីថ្ងៃសៅរ៍ (២៣ កញ្ញា) លោក ចូ បៃដិន បានស្តីបន្ទោសចំពោះអ្វីដែលលោកហៅថា «អ្នក​សាធារណរដ្ឋ​ជ្រុលនិយម» ដោយនិយាយថា សមាជិកសភា​របស់​គណបក្ស​មួយ​នេះ​ចាំបាច់​ត្រូវ​ចាត់​វិធានការ​ជាបន្ទាន់ដើម្បីការពារការបិទរដ្ឋាភិបាលមុនកាលបរិច្ឆេទកំណត់នៅថ្ងៃទី៣០ ខែកញ្ញា​។

លោក បៃដិន បានមានប្រសាសន៍នៅក្នុងពិធីជប់លៀងពានរង្វាន់សភាកាលពីថ្ងៃសៅរ៍ថា កិច្ច​ព្រម​ព្រៀង​ដែលបានឈានដល់រវាងថ្នាក់ដឹកនាំគណបក្សសាធារណរដ្ឋ និងរដ្ឋបាល​របស់​លោក​កាល​ពី​ខែ​ឧសភា នឹងផ្តល់មូលនិធិដល់អាទិភាពសន្តិសុខជាតិ និងក្នុងស្រុក ហើយនៅ​តែ​កាត់​បន្ថយ​ឱន​ភាព​ថវិកា​ចំនួន១ពាន់ពាន់លានដុល្លារក្នុងរយៈពេល១០ឆ្នាំខាងមុខ។

លោក បៃដិន បានបន្តថា ការបិទរដ្ឋាភិបាល នឹងប៉ះពាល់ដល់សុវត្ថិភាពចំណីអាហារ ការស្រាវ​ជ្រាវ​ជំងឺ​មហារីក និងកម្មវិធីកុមារ ដោយបន្ថែមថា ការធានាថារដ្ឋាភិបាលទទួលបានមូលនិធិ គឺ​ជា​មុខងារ​ស្នូលមួយនៃសភាផងដែរ៕