កំពត៖ រដ្ឋបាលខេត្តកំពតប្រកាសពីការរកឃើញប្រជាពលរដ្ឋ ៥៥នាក់ទៀតឆ្លងមេរោគកូវីដ-១៩ ដែលភាគច្រើនជាពលរដ្ឋរស់នៅក្នុងស្រុកកំពង់ត្រាច។
ក្នុងសេចក្ដីជូនដំណឹងនៅថ្ងៃនេះ រដ្ឋបាលខេត្តកំពតបញ្ជាក់ថា ករណីឆ្លងថ្មីទាំងអស់នេះ ត្រូវបានរកឃើញលើបុគ្គលិកកាស៊ីណូចំនួន ២០នាក់ ដែលបម្រើការងារនៅកាស៊ីណូ សុខ គឹមម៉េង ស្ថិតនៅច្រកទ្វារភាគីតន់ហន់ នៅក្នុងស្រុកកំពង់ត្រាច។
រដ្ឋបាលខេត្តនេះបានឱ្យដឹងទៀតថា ករណីឆ្លងថ្មីនេះ ក៏ត្រូវបានរកឃើញលើកសិករចំនួន ៣៤នាក់ផងដែរ ដែលជាពលរដ្ឋរស់នៅស្រុកនានារបស់ខេត្តមួយនេះ។
ក្រៅពីនេះ ករណីឆ្លងថ្មីនេះ ក៏បានកើតឡើងផងដែរលើទារកអាយុ ១ខែម្នាក់ និងកុមារីម្នាក់អាយុ ៨ឆ្នាំ ដែលរស់នៅក្នុងក្រុងកំពត។
រដ្ឋបាលខេត្តកំពតបញ្ជាក់ថា អ្នកជំងឺកូវីដ-១៩ទាំង ៥៥នាក់នេះ ត្រូវបានដាក់ឱ្យសម្រាកព្យាបាលនៅមណ្ឌលព្យាបាលកូវីដ-១៩ស្ថិតក្នុងបរិវេណវិទ្យាល័យព្រះបិតាជាតិ និងមណ្ឌលព្យាបាល សុខ គីមម៉េង៕អត្ថបទ ៖ សុធី
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
