កូស្ដារីកា ៖ មនុស្សច្រើនជាង៦៥៦នាក់ ត្រូវបានសម្លាប់រហូតមកដល់ពេលនេះ នៅក្នុងឆ្នាំដែលមានមនុស្សស្លាប់ច្រើនបំផុតក្នុងកំណត់ត្រារបស់ប្រទេសកូស្តា រីកា នេះបើយោងតាមទិន្នន័យឃាតកម្មផ្លូវការបានបង្ហាញកាលពីថ្ងៃសុក្រ (២២ កញ្ញា) ហើយរដ្ឋាភិបាលរំពឹងថា តួលេខនេះនឹងកើនឡើងលើសពី៩០០នាក់នៅចុងឆ្នាំនេះផងដែរ។ 

យោងតាមទីភ្នាក់ងារស៊ើបអង្កេតតុលាការ(OIJ) របស់ប្រទេសអាមេរិកកណ្តាល ដែលមានសន្តិភាពជាប្រវត្តិសាស្រ្តមួយនេះបានឱ្យដឹងថា អត្រាមនុស្សឃាតនៅកូស្តា រីកា បានកើនឡើងដល់ចំនួន៦៥៤នាក់កាលពីឆ្នាំមុន។

កូស្តា រីកា ដែលអស់រយៈពេលជាច្រើនទស្សវត្សរ៍ត្រូវបានទទួលស្គាល់ថា ជាប្រទេសនៅអាមេរិកកណ្តាលដែលមានសុវត្ថិភាពបំផុតនោះ បានឃើញករណីមនុស្សឃាតកាន់តែច្រើននៅក្នុងខេត្តចំនួនប្រាំមួយ ក្នុងចំណោមខេត្តចំនួនប្រាំពីររបស់ខ្លួន ដោយរដ្ឋធានី San Jose មានការកើនឡើងខ្ពស់បំផុត ពោលគឺកើនឡើងទ្វេដងក្នុងរយៈពេលដូចគ្នាកាលពីឆ្នាំមុន។

ក្រុមអាជ្ញាធរបានរាយការណ៍អំពីឧក្រិដ្ឋកម្មដូចជា ការធ្វើទារុណកម្ម ឃាតកម្មលើក្រុមជនអន្ធពាល និងការធ្វើឃាតធ្វើឡើងដោយអ្នកវាយចំបាប់ ដែលមានការបណ្តុះបណ្តាលខ្ពស់ទាំងនេះ គឺស្រដៀងទៅនឹងឧក្រិដ្ឋកម្មដែលប្រព្រឹត្តដោយក្រុមចោរម៉ិកស៊ិក។ 

រដ្ឋមន្ត្រីសន្តិសុខរបស់កូស្តា រីកា លោក Mario Zamora បានប្រាប់សារព័ត៌មាន រ៉យទ័រ ក្នុងសេចក្តីថ្លែងការណ៍មួយថា មិនមានដំណោះស្រាយដែលមានប្រសិទ្ធភាព និងការឆ្លើយតបរយៈពេលខ្លី ដើម្បីដោះស្រាយឧក្រិដ្ឋកម្មនៅក្នុងប្រទេសនោះទេ ហើយថាគេនឹងត្រូវការការផ្តួចផ្តើមផ្នែកសន្តិសុខ និងការការពារជាបន្តបន្ទាប់ទៀតក្នុងការទប់ទល់នឹងបញ្ហាមួយនេះ៕